© 2021-2024
६ भदाै, एजेन्सी। आजको समयमा लगभग सबै बिजुली वा इलेक्ट्रोनिक उपकरणहरूमा टच स्क्रिन हुन्छ। स्मार्टफोन, ट्याब्लेट, स्मार्टवाच, एटिएम मेशिनदेखि विशाल औद्योगिक मेशिनसम्म सबैमा अहिले सहजता र रफ्तारको लागि टच स्क्रिन डिस्प्ले भेटिन्छ। लगभग सबै चीजहरू जुन कम्प्युटर मेशिनसँग मानव अन्तरक्रियाको आवश्यकता पर्दछ। त्यसमा टच स्क्रिन चाहिन्छ नै।
त्यही टच स्क्रिनलाई फेरी कुनै पन्जा लगाएर चलायो भने चल्दैन। स्क्रिनमा पानी पर्यो भने पनि तपाइको स्क्रिन अनियन्त्रित रूपमा यता उता चल्छ। सबैले प्रयोग गर्ने टच स्क्रिन आखिर कसरी चल्छ त?
रेसिस्टिभ भनेको कुनै पनि प्रकारले बाधा पुर्याउने हो। टच स्क्रिनमा रेसिस्टिभ किन आवश्यक त?
सबैभन्दा सस्तो टच स्क्रिनमा रेसिस्टिभ टच स्क्रिन पर्दछ। यसले सस्तो ग्लास पदार्थ प्रयोग गरेर सक्दो टच सिस्टम दिन्छ। यसले सही रूपले काम गर्न हामीले बेस्सरी स्क्रिनलाई थिच्नु पर्दछ।
यसमा स्क्रिनमा भएको सम्पर्कको बिन्दु निर्धारण गर्न स्क्रिनमा लागू हुने दबाबमा निर्भर गर्दछ।
एटिएमजस्ता डिभाइसमा हामीले कहिले बारम्बार थिचेर पनि त्यसले बुझ्दैन। यस्तो हुनुको कारण यही स्क्रिन सही रूपले नथिचिएको र त्यसले गर्दा भित्री मेकानिजमले राम्ररी प्रतिक्रिया दिएको हुन्छ।
क्यापेसिटिभ टच स्क्रिनहरु भने दबाबमा भर पर्दैनन्। तिनीहरूले एक वस्तुबाट इन्पुटको प्रतिक्रिया दिन्छन् जसले बिजुली चार्ज दिन्छ। तपाईँको औँला तिनीहरूमध्ये एक पनि हो।
यस्तो स्क्रिनका साथ स्पर्श हुने बिन्दुलाई सेन्सरको प्रयोग गरेर इलेक्ट्रोस्टाटिक क्षमतामा भएको परिवर्तन निकालिन्छ। यसबाट आएको सानो भोल्टेज परिवर्तनद्वारा टचको सही ठाउँ पहिचान गरिन्छ।
सेन्सरहरूले मानव शरीरको स्थिर विद्युत् क्षमताद्वारा हुने स्क्रिनमा हलचललाई पहिचान गर्दछ। यस्तो गर्ने भएकोले जब औँला स्क्रिनमा आइपुग्छ, त्यहाँ फेरिएको करेन्ट र भोल्टेज निकालेर सेन्सरले कस्तो इन्पुट दिन खोजेको बुझ्दछ।
रेसिस्टिभ र क्यापेसिटिभ टच स्क्रिन दुवैमा छुवाइको भरमा सन्देश बुझ्ने काम हुन्छ। हाम्रो टच स्क्रिनहरूमा भित्र थुप्रै तहहरू हुन्छन्। त्यसमध्ये सबैभन्दा आवश्यक दुई तह हुन्छन्। दुई वटा तहमा करेन्ट र भोल्टेजको काम हुन्छ भने त्यही दुई तहलाई एउटा भागले छुट्टाउँछ।
जब हामीले त्यो स्क्रिनलाई थिच्छौ, तब माथिको स्क्रिन थोरै लच्किन्छ। जसले गर्दा तल रहेका स्पेसर साथै तलको भागमा छोइन जान्छ। यसले दुई भागबिच करेन्ट बग्ने बाटो दिन्छ। जब त्यहाँ करेन्टको प्रभाव सेन्सरले थाहा पाउँछ। सेन्सरले अनि त्यही अनुसारको प्रतिक्रिया दिन्छ।