काठमाडौं। ह्वाट्सएपले प्रयोगकर्ताको गोपनीयता बढाउन नयाँ ‘युजरनेम सिस्टम’ ल्याउने तयारी गरेको छ। अब प्रयोगकर्ताले आफ्नो मोबाइल नम्बर लुकाएर केवल युजरनेममार्फत अरूसँग च्याट गर्न सक्नेछन्।
यो फिचर अहिले बीटा संस्करणमा परीक्षण भइरहेको छ। युजरनेम बनाउन साना अक्षर, अंक, अन्डरस्कोर र पिरियड मात्र प्रयोग गर्न सकिनेछ। युजरनेम परिवर्तन गर्दा च्याटमा सूचना आउनेछ।
यदि कसैले तपाईंलाई नम्बरबिना सिधा सम्पर्क गर्छ भने, उसले तपाईंको युजरनेम मात्र देख्नेछ। साथमा, युजरनेम उपलब्ध छ कि छैन भन्ने जाँच गर्ने टुल पनि आउनेछ।
फिचर छिट्टै सार्वजनिक हुने अपेक्षा गरिएको छ, जसले प्रयोगकर्तालाई थप सुरक्षित र गोप्य रूपमा संवाद गर्न सहयोग गर्नेछ।
