आफ्नो इतिहासको १८ वर्षमा पहिलो पटक, फेसबुकमा दैनिक सक्रिय प्रयोगकर्ताको कुल संख्यामा गिरावट आएको छ।
सन् २००४ मा अहिलेको लोकप्रिय सामाजिक सञ्जाल स्थापना भएको थियो। अमेरिकाबाट सुरु भएको यो सामाजिक सञ्जाल विश्वभर फैलिएको छ । फेसबुकको सुरुवातदेखि नै प्रयोगकर्ताको संख्या बढेको देख्न सकिन्छ । फेसबुकले २०१२ मा पहिलो पटक एक अर्ब मासिक सक्रिय प्रयोगकर्ताहरू पार गरेको थियो भने पाँच वर्ष भित्र फेसबुकमा दुई अर्ब प्रयोगकर्ताहरू पुगेका थिए ।
खासगरी नेपालजस्ता धेरै विकासोन्मुख देशमा फेसबुक प्रयोगकर्ताको ग्राफ लगातार बढिरहेको छ । ती १८ वर्षमा फेसबुकले विरलै केही गुमाएको जानकारी रहेको छ । यसले उत्कृष्ट सामाजिक सञ्जाल प्लेटफर्महरूमा आफूलाई कायम राख्न विभिन्न तरिकाहरू प्रयोग गर्दै आएको थियो। तर भर्खरै एउटा तथ्यले फेसबुकलाई धक्का दिएको छ ।
फेसबुकको कम्पनी मेटाको रिपोर्ट अनुसार २०२१ को चौथो त्रैमासिकमा दैनिक सक्रिय प्रयोगकर्ता १.९२ बिलियनमा झरेको छ। तेस्तै तेस्रो त्रैमासिकको अन्त्यसम्म, त्यहाँ १.९३ बिलियन दैनिक सक्रिय प्रयोगकर्ताहरू थिए।
फेसबुकले टिकटक र युट्युब जस्ता प्रतिद्वन्द्वीसँग प्रतिस्पर्धा गरिरहेको छ । बजारमा आक्रामक रुपमा कारोबार गरिरहेको शर्ट भिडियो सेयरिङ एप टिकटकले फेसबुकमा निरन्तर धकेलिरहेको छ ।
मेटाका सीईओ मार्क जुकरबर्गले युवा प्रयोगकर्ताहरू अन्य प्लेटफर्ममा सर्दा फेसबुक प्रभावित भएको बताएका छन्। अर्कोतर्फ, फेसबुकको स्वामित्वमा रहेको मेटाको आम्दानी पनि घट्ने अपेक्षा समेत गरिएको छ। पछिल्लो संकेत अनुसार फेसबुकमा विज्ञापनदाताहरूले अब लागत कटौती गरिरहेका छन्।
गुगल पछि विश्वको दोस्रो ठूलो डिजिटल विज्ञापन नेटवर्क सञ्चालन गर्ने मेटाले एप्पलको अपरेटिङ सिस्टमको गोपनीयता परिमार्जनबाट पनि प्रभावित भएको दाबी गरेको छ । यो परिवर्तनले ब्रान्डहरूलाई फेसबुक र इन्स्टाग्राममा विज्ञापन गर्न गाह्रो बनाउँदै गरेको एक रिपोर्टले बताएको छ ।
हाल, मेटाको समग्र राजस्व बढेर $३३.६७ बिलियन पुगेको छ, जुन बजारको अपेक्षाभन्दा अलि बढी छ। बीबीसीले रिपोर्ट गरे अनुसार टिकटक पहिले नै धेरै ठूलो प्रतिस्पर्धी भएको र यो एकदम छिटो दरमा बढ्ने जारी रहेको छ । १८ वर्षमा पहिलो पटक टिकटिकका कारण फेसबुक प्रयोगकर्ताको संख्यामा कमी देखिएको हो ।
