७ असार, एजेन्सी । चर्चित मोबाइल ब्राण्ड वान प्लसको नयाँ फोनको भारतमा सार्वजनिक मिति लिक भएको बताइएको छ। वान प्लसको नयाँ फोन ‘Nord 2T 5G’को सार्वजनिक मिति लिक भएको बताइएको हो।

एक स्रोतका अनुसार भारतीय बजारमा यसै महिना वाल प्लसले यो फोन सार्वजनिक गर्ने तयारी गरिरहेको छ।

यो फोनलार्इ मध्यम तहका प्रयोग कर्ताका लागि उत्कृष्ट फोनको रूपमा चित्रित गरिएको छ। यो फोनमा ८० वाटमा सुपरफास्ट चार्जिङ सुविधा पनि हुने बताइएको छ।

केही समयअघि मात्रै वान प्लसकै अर्को फोन 10T का विशेषता र विवरणहरू पनि लिक भएका थिए। उक्त फोनमा हुनसक्ने विशेषताहरूको आधारमा यो फोनलार्इ ‘Flagship Killer’ समेत भनिएको थियो।

यस्ता हुनेछन् Nord 2T मा विशेषताहरू

रूटमाइग्यालेक्सीका अनुसार जुन २७ तारिखमा यो फोन सार्वजनिक हुनेछ। सामान्यतया वान प्लसले यस्तै समयमा आफ्ना डिभाइसहरू रिलिज गर्ने गरेको छ।

त्यसैगरी, टिप्सटर मुकुल शर्माले गरेको ट्वीटका अनुसार Nord 2Tको अमेजनमा बिक्री सुरू भइसकेको छ। यसलार्इ पनि यसै महिनामा भारतमा Nord 2T रिलिज हुने ठूलो प्रमाणको रूपमा हेरिएको छ।

यो फोन १३०० चिपसेटमा आउने अनुमान गरिएको छ। त्यस्तै, अक्सिजन १२.१ अपरेटिङ सिस्टममा यो फोन आउनेछ।

५००० एमएएच ब्याट्रीमा आउने यो फोन ८० वाटमा फास्ट चार्जिङ र टाइप-सी चार्जरका साथ आउनेछ। क्यामेराको बारेमा त्यति धेरै विवरण लिक नभएको बताइएता पनि ५० मेगापिक्सलको क्यामेरा यो फोनमा उपलब्ध हुने बताइएको छ।

यो फोन २ भेरियन्टमा आउनेछ। ८ जिबी र्याम र १२८ जिबी रोम भएको फोन ३७५ अमेरिकी डलर र १२ जिबी र्याम तथा १२८ जिबी रोम भएको भेरियन्टको मुल्य ४१० डलर पर्ने बताइएको छ।