२७ असार, काठमाडाैँ । नेपाल टेलिकमले सजिलो अनलिमिटेड पोस्टपेड प्याक ल्याएको छ। टेलिकमले ‘अनलिमिटेड कुराकानी अनलिमिटेड समयसम्म’ स्लोगनका साथ ठूलो प्याकेज सार्वजनिक गरेको हो।

यस अन्तर्गत टेलिकमका पोस्पेड प्रयोगकर्ताहरूले ९९९ रूपैयाँमा सबै नेटवर्कमा ४०० वटा एसएमएस पठाउन सक्नेछन्। त्यस्तै, इन्टरनेटका लागि ६० जिबी डेटा पनि पाउनेछन्।

टेलिकमबाट पाइने उक्त प्याकेजको समयावधि २८ दिन हुने बताइएको छ।

यो प्याकेज प्राप्त गर्नका लागि *१४१५# गर्नु पर्नेछ। त्यसैगरी, नेपाल टेलिकमको एपबाट पनि यो सेवा सुचारू गर्न सकिनेछ।