४ भदाै, एजेन्सी। तान्जानियाले किलिमन्जारोमा उच्च गतिको इन्टरनेट सेवा स्थापना गरेको छ। अफ्रिकाको सबैभन्दा अग्लो हिमालमा ट्वीट, इन्स्टाग्राम वा व्हाट्सएप गर्न सहज बनाउनका लागि उच्च गतिको इन्टरनेट राखिएको द गार्जियनमा उल्लेख छ।
राज्यको स्वामित्वमा रहेको तान्जानिया टेलिकम्युनिकेसन्स कर्पोरेसनले मंगलबार ३,७२० मिटर (१२,२०० फिट) को उचाइमा ब्रोडब्यान्ड नेटवर्क स्थापना गरेको छ। देशका सूचना मन्त्री नापे नाउएले यो कामलाई ऐतिहासिक भनि व्याख्या गरेका छन्।
‘पहिले आगन्तुक र भरियाहरूका लागि अलि खतरनाक थियो जसले इन्टरनेट बिना सञ्चार गर्नुपर्थ्यो।’ उनले भनेका छन्,’अब पहाडको यस बिन्दुसम्म सबै आगन्तुकहरू जोडिनेछन्।’
उनले ५ हजार ८ सय ९५ मिटर अग्लो हिमालको आरोहण वर्षको अन्त्यसम्ममा इन्टरनेट जडान हुने बताए।
यो कदम संसारको सबैभन्दा कठीन ठाउँहरूमा जडान बढाउने प्रयासहरूको नवीनतम उदाहरण हो। सगरमाथाको शिखरबाट पहिलो मोबाइल फोन कल २००७ मा चिनियाँ फोन मास्ट मार्फत गरिएको थियो।
सन् १९५३ मे २९ मा एडमण्ड हिलारी र तेन्जिङ नोर्गेले विश्वको सबैभन्दा अग्लो हिमालको चुचुरोमा पुग्दा विपरित हो। उनीहरूको सफलताबारे २ जुनमा रानी एलिजाबेथ द्वितीयको राज्याभिषेकको दिन मात्रै संसारले थाहा पाएको थियो।
किलिमन्जारो तान्जानिया र छिमेकी केन्यामा पर्यटन राजस्वको एक महत्त्वपूर्ण स्रोत हो। लगभग ३५ हजार मानिसहरूले प्रत्येक वर्ष शिखरमा पुग्न प्रयास गर्छन्।
अर्नेस्ट हेमिङ्वेको लघुकथा द स्नोज अफ किलिमन्जारोमा अमर बनेको यो पहाड राष्ट्रिय निकुञ्जको हिस्सा हो र युनेस्कोको विश्व सम्पदा स्थल पनि हो।
