७ भदाै, काठमाडाैँ। तपाइले नयाँ ल्यापटप खरिद गर्न हिँड्नु भएको भए देखाइएका रोजाइहरूमा कुनै ल्यापटपमा एसएसडी थियो होला, कुनैमा हार्ड ड्राइभ भने कुनैमा दुवै भेट्नु भयो होला। हार्ड ड्राइभ हाम्रो वरीपरी रहेको त धेरै भइसक्यो। तर एसएसडी हाम्रो लागि नयाँ विषय बन्न सक्छ। आखिर के हो त एसएसडी अनि ल्यापटपमा एसएसडी भएको कस्ता फाइदाहरू छन् त?
ल्यापटपको डिस्क ड्राइभ यसको सिपियु, र्याम र ग्राफिक्स चिप सहित अन्य भागहरू भन्दा अधिक महत्त्वपूर्ण छ। जब तपाईँको प्रोसेसरले केही खोल्ने, बुट गर्ने,कार्यक्रमहरू लन्च गर्ने र अरू कार्यहरू गर्दछ, तब तपाइको प्रोसेसरले डिस्कबाट डेटा लोड गर्न पर्खिरहेको हुन्छ। झ्याप्प हेर्दा यसले केवल डाटा राख्ने काम देखिएला तर हाम्रो सबै कार्यक्रम र नयाँ फाइल खोल्ने कार्यहरुमा डिस्क ड्राइभ चाहिन्छ नै।
यसले दिने केही विशेष विशेषताहरु:
कार्य सम्पादनमा सुधार
किनकि एसएसडीमा कुनै गतिशील भागहरू हुँदैनन्, यसले हार्ड ड्राइभभन्दा छिटो डाटा पढ्न र लेख्न सक्षम छ। जब तपाईँ आफ्नो ल्यापटप बुट गर्नुहुन्छ वा प्रोग्राम खोल्नुहुन्छ, कुनै हार्ड ड्राइभ भन्दा पनि बढी रफ्तार यसको देखिन सक्छ।
भण्डारण
एसएसडी युक्त ल्यापटपमा सामान्य रूपमा केवल १२८ जीबी वा २५६ जीबी क्षमता हुन्छ। यति जीबी तपाइको सबै कार्यक्रमहरू र जानकारीको उचित मात्राको लागि पर्याप्त हुन्छ। यसले लगभग सबै ठुला कार्यक्रम पनि धान्न सक्छ।
यदि तपाईँ प्रोग्रामिंग वा एडिटिंग गर्नु हुन्छ भने चाहिँ तपाइको लागि २५६ जीबी १२८ जीबी भन्दा धेरै फाइदाजनक र आवश्यक हुन्छ।
लामो समय टिकाउ
एसएसडीको भित्री भागमा हार्ड ड्राइभमा हुने ती गतिशील संयन्त्रहरू मध्ये कुनै पनि हुँदैनन्। त्यसैले लापरबाहीपूर्वक ल्यापटप छोडियो भने पनि यसले कुनै पनि क्षति भोग्ने सम्भावना हुँदैन। त्यसो भएरै एसएसडी हार्ड ड्राइभभन्दा निश्चित रूपमा धेरै सुरक्षित भण्डारण माध्यम बन्न जान्छ। यसले दुर्घटनाको घटनामा तपाईँको बहुमूल्य डेटा संरक्षण गर्न सक्दछ।
यदि तपाईँले दुर्घटनावश हार्ड डिस्क भएको ल्यापटप छोड्नुभयो भने तपाईँले ड्राइभको भौतिक घटकहरू बिगार्न सक्नुहुन्छ। अर्कोतर्फ, यदि तपाईँले झुक्किएर नै भए नि आफ्नो एसएसडी भएको ल्यापटप छोड्नुहुन्छ भने कुनै ठुलो क्षति भोग्ने सम्भावना छैन।
यही कारणले पनि धेरैले एसएसडी ल्यापटप रुचाउँछन्। यो निश्चय नै एउटा सुरक्षित भण्डारण माध्यम हो।
प्रशोधन ध्वनि विहीन
तपाइले हार्ड ड्राइभ भएको ल्यापटपमा ठुलो हेबी काम गर्न प्रयोग गर्दा ठुलो आवाज आउने गर्दछ। तिनीहरूको भित्र संयन्त्रहरू छन् जुन राम्ररी काम गर्न हलचल गर्नु पर्दछ। साथै ड्राइभ प्लेटहरू स्पिन गर्दछ।
जब तपाईँले आफ्नो ल्यापटपको लागि एसएसडी रोज्नुहुन्छ, तब तपाईँ यो समस्यामा आउनुहुन्न। एसएसडीको यन्त्रमा गतिशील संयन्त्र नभएको हुँदा केही हलचल नहुने हुँदा कुनै अनावश्यक आवाज आउँदैन।
हल्का तौल
यदि तपाईँले आफ्नो काममा वा कतै जाँदा पनि ल्यापटप बोक्नु पर्ने हुन्छ भने तपाईँ एसएसडी ल्यापटपबाट लाभान्वित हुनुहुनेछ। एसएसडी ड्राइभहरू परम्परागत हार्ड डिस्कहरूको तुलनामा हल्का हुन्छन्। यस विकासले निर्माताहरूलाई अल्ट्रा-थिन ट्याब्लेटहरू, ल्यापटपहरू र अन्य मोबाइल उपकरणहरू उत्पादन गर्न सक्षम बनाएको छ।
