३ कार्तिक, एजेन्सी। फेसबुक, इन्स्टाग्राम तथा ह्वाट्सएपजस्ता चर्चित सामाजिक सञ्जालको मालिक कम्पनी मेटाले बोलीबाट बोली नै अनुवाद गर्ने भाषा अनुवादक(ट्रान्सलेटर)को निर्माण गरेको छ।
एआइमा अधारित बोलीबाट बोली अनुवादन प्रक्रियाले विभिन्न भाषामा कुरा गर्ने मानिसहरूलाई एक आपसमा जोडिन मद्दत गर्ने बताइएको छ। मेटाको पछिल्लो आविष्कारले नलेखिएका तर बोलिने भाषाहरू वास्तविक समयमा नै अनुवाद गर्न सक्ने दाबी गरिएको छ।
मेटाको नयाँ युनिभर्सल स्पीच ट्रान्सलेटर प्रोजेक्टले होक्कियन भाषामा बोलिने अडियोलाई रूपान्तरण गरेको भिडियो समेत सार्वजनिक भएको छ। भिडियोमा देखाइए अनुसार चिनिको होक्कियन भाषा बोल्ने व्यक्ति र अंग्रेजी भाषा बोल्ने व्यक्ति वास्तविक समयमा आ–आफ्नै भाषामा कुरा गरिरहेका छन्। होक्कियन सबैभन्दा कम बोलिनेमध्येको एक भाषा हो।
We’re developing AI for real-time speech translation to break down language barriers in the physical world and in the metaverse.https://t.co/PC0BzLCHAr pic.twitter.com/wW8NlyndmM
— Meta Newsroom (@MetaNewsroom) October 19, 2022
मेटाको स्पीच ट्रान्सलेटर प्रोजेक्टले विश्वभर बोलिने ३५ सय भाषाहरूको वास्तविक समयमा नै अनुवाद गर्न सक्ने बताइएको छ। मेटाको यो आविष्कारले विश्वमा मावन अनुवादको आवश्यकता कम गर्ने अपेक्षा गरिएको छ।
मेटाको यो आविष्कार मेटाभर्स लक्षित रहेको पनि बुझिएको छ। यो आविष्कारले विश्वव्यापी स्तरमा व्यापक अन्तरक्रियालाई सम्भव तुल्याउँदै मेटाभर्स स्पेसमा प्रभावकारी रूपमा काम गर्ने बताइएको छ।
‘हामी विश्वास गर्छौं कि मौखिक सञ्चारले मानिसहरूलाई तिनीहरू जहाँ भए पनि एकसाथ ल्याउन सक्छ।’ मेटाले भनेको छ।
स्पीचम्याट्रिक्स प्रणाली समावेश गरिएको यो प्रविधिमा प्राकृतिक भाषा प्रशोधन टूलकिट मार्फत विकसित स्पीच-टु-स्पीच अनुवादहरूको ठूलो संग्रह समावेश गरिएको छ।
मेटाको पछिल्लो आविष्कारले मेटाभर्स कनेक्टिभिटीको मेरुदण्ड बनाउने आशा गरिएको छ।
