१४ कार्तिक, मुस्ताङ। मुक्तिनाथ मन्दिरमा डिजिटल दानपत्र राखिएको छ। अहिलेसम्म मन्दिर परिसरमा चन्दाका लागि चन्दा बाकस राखिँदै आएकाे छ । मन्दिर पुगेका इच्छुक भक्तालुहरूले डिजिटल प्रविधिमार्फत दान दिने गर्छन् । आफूलाई इच्छाएअनुसार डिजिटल प्रविधिबाट त्यहाँं दान दिन सक्ने व्यवस्था गरिएको छ ।
काठमाडाैंबाट दर्शनका लागि मन्दिर पुगेका इन्जिनियर कृष्णभक्त दुवालले डिजिटल दानपत्रमार्फत पहिलो पटक दान गर्न पाउँंदा रमाइलो अनुभव भएको सुनाए । ‘फष्ट टाइम डिजिटल दानपत्रबाट दान गर्न पाउँंदा अनौठो र खुशी महसुस भयो,’ उनले भने । आधुनिकतासँंगै आधुनिक प्रविधिको प्रयोग हुन थालेकोमा उनले हर्ष प्रकट गरे ।
नीलगिरि हिमाल, मुक्तिनाथ हिमाल र दामोदर हिमालको काखमा अवस्थित मुक्तिनाथ मन्दिर प्राकृतिक हिसाबले एकदमै सुन्दर र मनमोहक छ । समुद्री सतहबाट ३७१० मिटरको उचाइमा रहेको यो मन्दिर धार्मिक एवं ऐतिहसिक हिसाबले पनि उति नै विशेष ठाउँ हो ।
हिन्दूहरूका लागि भगवान विष्णुका १०८ दिव्योपदेशहरुमध्ये एक मुक्तिनारायण मन्दिर तथा बौद्ध धर्मावलम्बीहरूका लागि २४ तान्त्रिक ठाउँहरूमध्येको एक झ्युमिग–ग्यात्शा दुवै एकै ठाउँमा भएको हिन्दू तथा बौद्ध समुदायमा प्रख्यात तीर्थस्थल हो मुक्तिनाथ । हिमालपारिको जिल्ला मुस्ताङको प्राकृतिक सुन्दरता र मुक्तिनाथको धार्मिक महत्वले गर्दा त्यहाँसम्मको यात्राले मन लोभ्याउने गर्दछ । न्युजकारखाना
