३ चैत, काठमाडाैँ । नेपाल टेलिकमले नयाँ अफर ल्याएको छ । टेलिकमले ‘सजिलो अनलिमिटेड भ्वाइस एण्ड डाटा पोस्टपेड–६३६’ प्याकेज सार्वजनिक गरेको हो ।

यो अफर अन्तर्गत चैत ३ गतेदेखि पोस्टपेड मोबाइल प्रयोगकर्ताले सुविधा पाउनेछन् ।

यस अफरमा ३० दिनसम्मका लागि अनलिमिटेड भ्वास कलको सुविधा रहेको छ । प्रयोगकर्ताहरूले ६३६ रुपैयाँमा प्याकेज लिएपछि टेलिकमकै नेटवर्कभित्र एक महिनासम्म अनलिमिटेड कल गर्न पाउनेछन् भने अन्य नेटवर्कमा १०० मिनेट कल गर्न सक्नेछन् । त्यस्तै, यो अफरमा अन नेट १५० वटा एसएमएस समेत उपलब्ध रहेको छ ।

६३६ रूपैयाँको प्याकेजमै प्रयोगकर्ताहरूले दैनिक ३०० एमबी डेटा समेत पाउनेछन् ।

यो अफर एक्टिभेट गर्नका लागि टेलिकमका ग्राहकहरूले *१४१५*२*२# डायल गर्नुपर्ने छ । त्यस्तै, नेपाल टेलिकमको एपबाट समेत यो अफर लिन सकिने टेलिकमले जानकारी दिएको छ ।