काठमाडौँ। आईफोन १६ सार्वजनिक हुन दुई महिना बाँकी छ । सार्वजनिक हुनु अगावै यस सिरिजका विभिन्न फिचर बाहिरिएका छन् । यस वर्ष सार्वजनिक हुने आईफोन १६, आईफोन १६ प्लस, आईफोन १६ प्रो र आईफोन १६ प्रो म्याक्स (सम्भवतः यसको नाम आईफोन १६ अल्ट्रा हुनेछ) मा तुलनात्मक रूपमा गह्रौं हुनेछ ।
तर, चिन्ता नगर्नोस् । आइफोन प्रो म्याक्स–१५ र आइफोन प्रो म्याक्स–१६ मा धेरै ‘फिचर्स’हरुको समानता छ । केही सामान्य कुराहरु मात्र फरक छ । यी दुई भर्सनमा त्यति ठूलो भिन्नता रहने छैन ।
आखिर आइफोन प्रो म्याक्स–१५ र आइफोन प्रो म्याक्स–१६ कस्तो समानता र भिन्नता छ त ? आउनुहोस् तुलना गरौं । सप्लाई चेन विश्लेषक मिङ चि कुओका अनुसार आईफोन १६ सिरिजमा लामो समय टिक्ने ब्याट्री हुनेछ । यसमा भएको ब्याट्रीलाई स्टेनलेस स्टिलले कभर गरिएकाले पनि फोन तुलनात्मक रूपमा भारी हुने कुओले उल्लेख गरेका छन् ।
क्यामेरा
क्यामेराको हकमा पनि आइफोन प्रो म्याक्स–१५ बोक्नेले आइफोन प्रो म्याक्स–१६ आउँदा कुनै टेन्सन लिनुपर्दैन । किनभने, दुबै फोनका क्यामेराको क्वालिटी समान हुनेछन् । दुबै फोनमा ४८ एमपी वाइडका ट्रिपल रियल क्यामेरा रहनेछन् । रिलय क्यामेरा अन्तरगत १२ एमपी टेलिफोटो र १२ एमपी अल्ट्रावाइड क्षमता रहनेछ ।
अपरेटिङ सिस्टम
अपरेटिङ सिस्टमको हिसाबले आइफोन प्रो म्याक्स–१६ मा आइओएस–१८ रहेको छ भने चिप्स ए–१८/२ नानोमिटर रहेको छ । तर, आइफोन प्रो म्याक्स–१५ मा आइओएस–१७, चिप्स प्रो–३ नानोमिटर छ । यस आधारमा आइफोन प्रो म्याक्स–१५ भन्दा १६ केही स्मार्ट हुनेछ ।
ब्याट्री : मोबाइलको ब्याट्री आइफोन प्रो म्याक्स–१६ मा ४५०० MAh रहेको छ भने आइफोन प्रो म्याक्स–१५मा ४४४१ MAh रहेको छ । तारबाट चार्ज गर्दा दुबै फोन आधा घण्टामा ५० प्रतिशत चार्ज हुन्छन् ।
अन्य फिचर्स : युएसपी पोर्ट दुबै फोनले टाइप–सी सपोर्ट गर्नेछन् । आएपी रेटिङ पनि समान अर्थात् ६८ नै रहनेछ । स्क्रिन सेभर पनि समान छ । स्क्रिन ब्राइटनेस, रिफ्रेस रेट । स्क्रिन टाइप पनि समान रहेका छन् । दुबै फोनले ५–जी सपोर्ट गर्नेछन् । जीपीयु पनि दुबैको समान अर्थार ६–कोर रहनेछ । तर, सीपीयु चाहिँ आइफोन प्रो म्याक्स–१६ को अलि पावरफूल छ । आइफोन प्रो म्याक्स–१६ को सीपीयु ३.८३ गिगाहर्जको हुनेछ भने आइफोन प्रो म्याक्स–१५ चाहिँ ३.७८ को रहेको छ ।
युरोपेली संघको नीति अनुसार सन् २०२७ सम्म स्मार्टफोन निर्माता कम्पनीले फोनमा रिप्लेस गर्न सकिने किसिमको ब्याट्री राख्नुपर्छ । त्यसैलाई पालना गर्दै कम्पनीले यस्तो किसिमको ब्याट्री राख्न लागेको बताइएको छ ।यस्तो ब्याट्री राख्दा प्रयोगकर्ताले आफैंले निकाल्न र राख्न सक्ने भएकाले खर्च कम पर्ने विश्लेषकहरूको भनाइ छ । ब्याट्रीमा स्टेनलेस स्टिल प्रयोग गर्दा त्यसले सेल डेन्सिटी पाँचदेखि १० प्रतिशतले बढाउँछ, अर्थात् ब्याट्री टिकाउ हुन्छ ।
