एजेन्सी। नेपालको सूचना प्रविधि कम्पनी इन्फोडिभेलपर्स प्रालिले जापानमा अन्तर्राष्ट्रिय अवार्ड प्राप्त गरेको छ ।
एसियन–आसियान कम्युटिङ इन्डस्ट्रिज एसोसिएसनको आयोजनामा जापानमा सम्पन्न २०२४ को डिजिटल समिटमा प्राइभेट सेक्टर श्रेणीमा ‘डिजिटल गभर्नमेन्ट अवार्ड’ बाट सम्मानित गरिएको हो ।
इन्फोडेभलपर्सका संस्थापक तथा मार्केटिङ, इन्नोभेसन तथा स्टार्टेजी निर्देशक उमेश रघुवंशीले अवार्ड ग्रहण गरेका थिए । नेपालमा सरकारी सेवाहरूको डिजिटल रूपान्तरणमा इन्फोडिभेलपर्सले योगदान पुर्याएको भन्दै कम्पनीलाई सम्मान गरिएको विज्ञप्तीमा उल्लेख छ । एसोसियो एसियाका २४ राष्ट्रहरूको सूचना प्रविधिका संस्थाहरूको अन्तर्राष्ट्रिय महासंघ हो । सम्मेलनमा एशिया-प्यासिफिक क्षेत्रका डिजिटल प्रविधि उद्योगका प्रतिनिधि, नवप्रवर्तक र विज्ञहरूको सहभागीता थियो ।
एसोसियो एसियाका २४ राष्ट्रहरूको सूचना प्रविधिका संस्थाहरूको अन्तर्राष्ट्रिय महासङ्घ हो। संस्थाले हरेक वर्ष उत्कृष्ट कार्य गर्ने संस्था, कम्पनी तथा व्यक्तिहरूलाई सम्मान गर्ने गरेको छ । यो पुरस्कार एसोसियो डिजिटल सम्मेलनमा प्रदान गरिएको हो ।
सम्मेलनमा एसिया–प्यासिफिक क्षेत्रका डिजिटल प्रविधिका उद्योगको नेतृत्वहरू, नव प्रवर्तकहरू र विज्ञहरूको सहभागिता रहेको थियो । सम्मेलन डिजिटल क्षेत्रमा भएका उत्कृष्ट उपलब्धिहरूको सम्मान गर्ने मञ्चको रूपमा स्थापित छ ।
