काठमाडौं। भुक्तानी सेवा प्रदायक डिजिटल इसेवा १५ वर्ष पूरा गरेर १६ औँ वर्षमा प्रवेश गरेको छ । नेपालमा नगदरहित आर्थिक प्रणालीको परिकल्पना गर्दै सन् २००९ मा इसेवाको बेटा भर्जन सार्वजनिक भएको थियो ।
त्यसपछि सन् २०१० को २५ जनवरीमा इसेवाको सेवा सुरु भएको थियो । करिब डेढ दशकअघि वित्तीय संस्थामा लामो लाइन बसेर गरिने आर्थिक गतिविधि हटाउने गरी सुरु भएको इसेवा १६ औं वर्षमा प्रवेश गरेको हो । इसेवाका संस्थापकहरूले नगदरहित अर्थतन्त्र निर्माण गन आमजनताको विश्वास जित्दै परम्परागत सोच परिवर्तन गर्ने लक्ष्य राखेका थिए ।
चारजना कर्मचारीबाट सुरु भएको इसेवाले हाल ४ सय ५० भन्दा बढी व्यक्तिलाई रोजगारी प्रदान गरेको बताएको छ । कम्पनीले अहिले २ हजारभन्दा बढी सेवाहरूको सुविधा दिइरहेको बताएको छ । कम्पनीले विद्युतीय कारोबार गर्न सक्ने एआई च्याटबट ईभीए पनि सञ्चालनमा ल्याएको छ । इसेवामा हाल ४९ वटा बैंक तथा वित्तीय संस्था र २ लाख ६८ हजारभन्दा बढी एजेन्ट आवद्ध रहेको कम्पनीले जनाएको छ ।
त्यसै गरी यस क्यालेन्डरमा इसेवा मार्फत आफूले गरेको टिकट, होटल, फ्लाइट बुकीङ जस्ता कारोबारहरू पनि देखिने छ । यो सँगै ग्राहकहरूले निश्चित समयमा नियमित गरी रहने बिजुली, खानेपानी जस्ता भुक्तानीहरू पनि यस क्यालेन्डरमा देखिने छ जसले गर्दा ग्राहकको कुनै पनि भुक्तानी तथा इभेन्टहरु छुट्ने छैन । यति मात्र नभई इसेवा क्यालेन्डरमा ग्राहकहरूले आफ्नो तथा परिवारको जन्मदिन, एनिभरसरी, मिटिङ इत्यादि जस्ता व्यक्तिगत इभेन्टहरु पनि अग्रिम टिपोट गर्न सक्नेछन् ।
इसेवा क्यलेन्डर इसेवा एप भित्र रहने छ भने ग्राहकहरूको सहजताको लागि ग्राहकहरूले आफ्नो मोबाइलको विजिटमा पनि सेट गर्न मिल्नेछ । यी नयाँ सेवाहरूले ग्राहकहरूलाई थप सुविधाजनक वित्तीय सेवाहरू प्रदान गर्ने र आर्थिक उत्थानमा टेवा पुर्याएर वित्तीय समावेशीकरण तर्फ सधैँ सबैलाई सँगै लिएर अगाडि बढ्ने कुरामा समेत विश्वास रहेको कार्यकारी अधिकृत जगदीश खड्काले बताएका छन् ।
