स्नातक तहको कम्प्युटर विज्ञान र सूचना प्रविधि (B.Sc. CSIT), विद्यार्थीलाई सूचना प्रविधि र कम्प्युटिङको क्षेत्रमा सबै प्रकारको ज्ञान प्रदान गर्न डिजाइन गरिएको त्रिभुवन विश्वविद्यालयसँग सम्बद्ध चार वर्षे पाठ्यक्रम हो। हाल नेपालमा ५७ कलेजहरूले बी.एस.सी. सी.एस.आइ टि. कार्यक्रम प्रदान गर्दछन्।

बी.एस.सी. सी.एस.आइ टि. कार्यक्रममा परम्परागत व्याख्यानहरूका अतिरिक्त, धेरै व्यावहारिक र परियोजना कार्यहरू समावेश हुन्छन्। कार्यक्रमले कम्प्युटर विज्ञान र सूचना प्रविधि दुवैको अन्तर्निहित सिद्धान्तहरू विकास गर्छ र यी सिद्धान्तहरूलाई वास्तविक विश्व समस्याहरूमा कसरी लागू गर्न सकिन्छ भनेर देखाउँछ। यस कार्यक्रमले कम्प्युटर पेशेवरहरू र IT विशेषज्ञहरू दुवैका लागि आवश्यक सीपहरू विकास गर्दछ।

६० प्रतिशत कम्प्युटर साइन्स र ४० प्रतिशत आईटीसँग सम्बन्धित कोर्ष समावेश गरी तयार पारिएको बी.एस.सी. सी.एस.आइ टि. कार्यक्रमले विद्यार्थीहरूलाई पर्याप्त सैद्धान्तिक र व्यावहारिक ज्ञान प्रदान गर्दछ जसले विद्यार्थीहरूलाई IT उद्योगको जटिल समस्या समाधान गर्न प्रभावकारी रूपमा सहभागी हुन सक्षम बनाउँछ।

उक्त पाठ्यक्रमको प्रवेश परीक्षाका लागि भोलिदेखि आवेदन दिन सकिने भएको छ ।विद्यार्थीले माघ ४ गतेसम्म अनलाइन आवेदन दिन सक्नेछन् । त्यस्तै माघ ५ देखि सात दिनसम्म दोब्बर दस्तुर तिरेर फर्म आवेदन दिन सकिने छ । विद्यार्थीले https://tuiost.edu.np/ मा गई आवेदन भर्न र थप विवरण बुझ्न सक्नेछन् ।

नेपालमै पहिलो प्राविधिक विषयको रुपमा शुरु गरिएको बी.एस.सी. सी.एस.आइ टि.पढ्न निम्न योग्यता पुगेको हुनुपर्नेछ।

१. TU द्वारा मान्यता प्राप्त कुनै पनि विश्वविद्यालय, बोर्ड वा संस्थाबाट विज्ञान स्ट्रिम वा सो बराबरको बाह्र वर्षको शिक्षा सफलतापूर्वक पूरा गरेको हुनुपर्नेछ।

२. कम्तिमा ३५% अंक ल्याई त्रिवि द्वारा लिइएको प्रवेश परीक्षा सफलतापूर्वक उत्तीर्ण गरेको हुनुपर्नेछ।

३. आफ्नो +२ वा समकक्षमा न्यूनतम दोस्रो डिभिजन प्राप्त गरेको हुनुपर्छ वा भौतिकशास्त्र र गणितमा १०० अंक लिएर कक्षा ११ र १२ मा सबै विषयहरूमा कम्तीमा सी ग्रेड प्राप्त गरेको हुनुपर्नेछ।

वा

विज्ञानमा ए लेभल उत्तीर्ण गरेको (भौतिकशास्त्र र गणितमा १०० अंकको अध्ययन गरेको) र कम्तीमा डी ग्रेडमा उत्तीर्ण

वा

CTEVT बाट भौतिकशास्त्र र गणित दुवै विषयमा इन्जिनियरिङमा ३ वर्षे डिप्लोमा उत्तीर्ण।

(नोट: जीवविज्ञान र गणित दुवै +२ स्तरका विद्यार्थीहरूको समूह पाठ्यक्रमको लागि आवेदन दिन योग्य हुनेछन्)

भर्ना मापदण्ड:

विधार्थीले त्रिभुवन विश्वविधालय मान्यता प्राप्त जुनसुकै क्याम्पसबाट भर्ना फारम लिन वा भर्ना ससक्नेछन र एउटा क्याम्पसबाट भरिसकेपछि पुन: भरिरहनु पर्दैन। नतिजा प्रकाशन भईसकेपछि पढ्न रुचाएको क्याम्पसमा गई सोहि क्याम्पसका लागि निवेदन फारम भने भर्नुपर्ने हुन्छ।

प्रवेश परीक्षा:

१. त्रिभुवन विश्वविद्यालय, विज्ञान तथा प्रविधि अध्ययन संस्थान, डीनको कार्यालयले प्रवेश परीक्षा सञ्चालन गर्नेछ। प्रवेश परीक्षा मध्यवर्ती/१०+२ तह वा अंग्रेजी, गणित, भौतिकशास्त्र र रसायन शास्त्रका विषयहरू समावेश गरी १०० पूर्ण अंकको हुनेछ र उत्तीर्ण अंक ३५ रहने छ।

२. प्रवेश परीक्षाका सबै प्रश्नहरू वस्तुगत (MCQ) हुनेछन्।

३. परीक्षाको समयावधि २ घण्टाको हुनेछ।

भर्ना दिशानिर्देशहरू:

१. प्रवेश मोडेल प्रश्नहरू कुनै पनि बी.एस.सी. सी.एस.आइ टि.अध्यापन हुने क्याम्पसबाट र प्रवेश परिक्षाको तयारि गराइरहेका सरल शिक्षा वा बाइनरि इन्ट्रान्स जस्ता संस्थाहरु बाट पाउन सकिने छ।

२. विद्यार्थीहरूले एक भन्दा बढी कलेजहरूमा TU भर्ना फारम भर्नु पर्दैन। एउटा कलेजबाट भरिएको फारम सबै कलेज/क्याम्पसहरूको लागि मान्य हुनेछ।

३. कक्षा १२ को पूरक परीक्षाका विद्यार्थीले पनि त्रिवि भर्ना फारम भर्न सक्नेछन् तर त्यस्ता विद्यार्थीले प्रवेश परीक्षाको नतिजा प्रकाशन अघि १०+२/मध्यवर्ती तह उत्तीर्ण गरेको शैक्षिक ट्रान्सक्रिप्ट पेश गर्नुपर्छ, अन्यथा त्यस्ता विद्यार्थीको प्रवेश परीक्षाको नतिजा प्रकाशित गरिने छैन ।