अर्स्टेड, डेनमार्कको बहुराष्ट्रिय ऊर्जा कम्पनीले इङ्गल्याण्डमा पहिलो पवन टर्बाइन पावर परियोजनामा ​​काम गरिरहेको छ , जसले लाखौं घरहरूमा अफशोर पवन फार्म ऊर्जा प्रदान गर्नेछ। अर्स्टेडले अर्को वर्ष २०२२ को अन्त्यसम्म इङ्गल्याण्डको समुन्द्री छेउमा रहेको होर्न्सिया सहरबाट १३ लाखभन्दा बढी घरहरूमा वायु ऊर्जा आपूर्ति गर्न थाल्नेछ। पहिलो पवन टर्बाइनले बिजुली वितरण गर्न थालेको छ र यो सुविधा अर्को वर्ष समाप्त भएपछि विश्वमा यसको प्रकारको सबैभन्दा ठूलो हुने बारे डेनमार्कमा आधारित कम्पनीले भर्खरै घोषणा गरेको छ।

यस उद्देश्यका लागि कम्पनीले हर्न्सी सहरबाट ८९ किलोमिटर टाढा रहेको हर्न्सिया २ पावर प्लान्ट निर्माण गर्ने निर्णय गरे संगै ४६२ वर्ग किलोमिटर क्षेत्रफल प्रयोग गर्ने भनिएको छ र आयोजनाले सिमेन्स गेम्साका १६५ वटा टर्बाइनबाट वायु उर्जा प्रयोग गरी १.३ गिगावाट बिजुली उत्पादन गर्नेछ ।

अफशोर पवन फार्म ऊर्जा परियोजनाबाट उत्पादित बिजुली इङ्गल्याण्डको एउटा सानो गाउँ उत्तर किलिंगहोल्मेमा ८०० किलोमिटरको दूरीमा पुगेर केबलहरू मार्फत इङ्गल्याण्डको राष्ट्रिय ग्रिड पावरको सामान्य प्रणालीमा हस्तान्तरण गरिनेछ।

हालसम्म वायु ऊर्जा विश्वव्यापी रूपमा सामान्य नभएता पनि आगामी वर्षहरूमा एक प्रमुख स्थान लिने भए संगै अमेरिकाले पनि रोड आइल्याण्डमा अवस्थित ३० मेगावाट मात्र वायु ऊर्जा उत्पादन गर्नेछ। भविष्यको उर्जाको मागलाई सम्बोधन गर्न युरोपेली संघ (EU) ले सन् २०५० सम्ममा तटीय वायु उर्जाको माध्यमबाट ३०० गिगावाट बिजुली उत्पादन गर्ने योजना बनाएको छ।