भारतमा हजारौं मानिसहरूको व्यक्तिगत डाटा सरकारी सर्भरबाट लीक भएको छ।उक्त डाटामा उनीहरूको नाम, मोबाइल नम्बर, ठेगाना र कोभिड परीक्षणको नतिजा समावेश भएको छ र यी जानकारीहरू अनलाइनबाट सजिलै पहुँच गर्न सकिने भएको छ ।
लीक गरिएको डाटा रेड फोरम वेबसाइटमा बिक्रीको लागि राखिएको छ जहाँ साइबर अपराधीले २०,००० भन्दा बढी व्यक्तिहरूको व्यक्तिगत डाटा भएको दाबी गरेको छ ।
साइबर सुरक्षा अनुसन्धानकर्ता राजशेखर राजहरियाको ट्वीट अनुसार व्यक्तिगत रूपमा पहिचान योग्य नाम र कोभिड-१९ परिणामहरू सहित सामग्री डेलिभरी नेटवर्क (CDN) मार्फत सार्वजनिक गरिएको छ ।
सरकारले कोभिड–१९ महामारी नियन्त्रण र यसको खोप कार्यक्रमको बारेमा जनचेतना जगाउनका लागि डिजिटल प्रविधिमा धेरै भर परेको र धेरै सरकारी विभागहरूले मानिसहरूलाई कोविड-१९ सम्बन्धित सेवाहरू र जानकारीको लागि आरोग्य सेतु नामक एप प्रयोग गर्न आदेश दिएका छन् ।
राजाहरियाले जनवरी २० मा एक फलो-अप ट्वीट गर्दै भनेका छन् ” यस घटनालाई लिएर कुनै किसिमको रिपोर्ट नगरेको” तर मानिसहरूलाई ठगी कलहरू, कोभिड-१९ सम्बन्धी अफरहरूबाट सचेत रहन आग्रह गरेका छन् ।
