कामना सेवा विकास बैंक लिमिटेड र नमस्ते पे बीच नेपाल टेलिकमको डिजिटल वालेट सेवा उपलब्ध गराउने सम्झौता भएको छ । अब, बैंकका ग्राहकहरूले आफ्नो मोबाइल बैंकिङ एपबाट नमस्ते पेमा पैसा लोड गर्न र विभिन्न सेवाहरूको लागि अनलाइन भुक्तानी गर्न सक्ने भएका छन्।
सम्झौतामा कामना बैंकका प्रमुख कार्यकारी अधिकृत प्रवीण बस्नेत र नमस्ते पेका प्रमुख कार्यकारी अधिकृत कृष्णप्रसाद भण्डारीले हस्ताक्षर गरेका छन् ।
कामना सेवा विकास बैंक नमस्ते पेमा जोडिने पहिलो बैंक तथा वित्तीय सेवा प्रदायक बनेको छ ।
यसमार्फत् ग्राहकले मोबाइल बैंकिङको माध्यमबाट आफ्नो नमस्ते पे खातामा रकम लोड गरी क्रेडिट बिल भुक्तानी, बीमा प्रिमियम भुक्तानी, बिजुलीको बिल भुक्तानी, खानेपानी महशुल भुक्तानी, मोबाइल टपअप र अन्य विभिन्न भुक्तानी गर्ने सुविधा प्राप्त गर्न सकिने नमस्ते पेले जनाएको छ ।
नमस्ते पे स्टार ५०० ह्यास युएसएसडी कोड प्रयोग गरेर स्मार्ट र फिचर दुवै फोनमा प्रयोग गर्न सकिने बाताइएको छ ।
