१२ मंसिर २०७९, सोमबार

Logo

आवेदनदेखि स्वीकृति अनलाइनबाटै लिने मार्गदर्शन बनाउँदै राष्ट्र बैंक !



अहिले कोभिड-१९को  महामारीले शिक्षकहरूलाई भर्चुअल शिक्षाको लागि टेक्नोलोजीमा भर पर्न र धेरैजसो व्यवसायहरुलाइ डिजिटल माध्यमबाट संचालन गर्न बाध्य तुल्यायो । यस संगै नेपाल राष्ट्र बैंकले डिजिटल माध्यमबाट कर्जा लिन सक्ने व्यवस्था गर्ने भएको छ । राष्ट्र बैंकले बैंक तथा वित्तीय संस्थामा भौतिकरुपमा उपस्थित नभई सानातिना कर्जा घरमै बसेर डिजिटल माध्यमबाटै लिन सकिने व्यवस्था गर्न लागेको हो ।

सानातिना कर्जा लिन बैंकमै जानुपर्ने झण्झण्टलाई मुक्त गर्न यो व्यवस्थाले सहयोग गर्ने भएकाले गर्दा , सो मार्गदर्शन बनेर कार्यान्वयनमा आएपछि अनलाइनबाटै कर्जा लिन सकिने छ । खातावालाहरुलाई सानातिना कर्जा माग गर्नका लागि बैंक तथा वित्तीय संस्थामा पुग्नुपर्ने बाध्यता हटाउनका लागि यस्तो अभ्यास अघि सारेको हो । जसका लागि राष्ट्र बैंकले अभ्यास गरिरहेको जानकारी दिएको छ ।

नेपाल राष्ट्र बैंकले मौद्रिक नीतिमा डिजिटल रुपमा ऋण प्रवाह गर्नका लागि डिजिटल कर्जा मार्गदर्शन तर्जुमा गर्ने उल्लेख गरेको थियो । राष्ट्र बैंकका भुक्तानी व्यवस्थापन विभागका कार्यकारी निर्देशक गुरुप्रसाद पौडेलले यहि आर्थिक वर्षभित्रमा मार्गदर्शन तयार पार्ने गरी काम थालनी गरिएता पनि कोभिडको कारणले गर्दा अलिकति ढिलाइ भइरहेको बताएका छन् । यो आर्थिक वर्षभित्रै ल्याउने राष्ट्र बैंकको तयारी रहेको निर्देशक पौडेलले जानकारी समेत दिएका छन् ।

अन्र्तराष्ट्रिय रुपमा बैंकिङ प्रणालीमा भइरहेका अभ्यासलाई आत्मसाथ गर्ने लक्ष्यका साथ मौद्रिक नीतिमा यस्तो व्यवस्था ल्याउन खोजिएको हो । संसारभर यस्ता खालका नया व्यवस्था निर्माण भइरहेको छन् । नेपालमा पनि डिजिटलका कार्ड, क्यूआर कोड प्रदाली ल्याइएको छ र यीसँगै डिजिटल लेण्डिङ्को पनि कुरा गर्न सकियो भने डिजिटल माध्यमबाट हुने कामहरुलाई सबै क्षेत्र तिर लैजान सकिन्छ ।

डिजिटल कर्जा मार्गदर्शन बनेपछि बैंकमा  खाता भएका खातावालहरुले बैंक तथा वित्तीय संस्थामा भौतिक रुपमा उपस्थित नभई कर्जाको लागि अनलाइनबाट आवेदन दिन सक्नेछन् र  घरमै बसेर बैंकसँग सम्पर्क गरि सानोतिनो खालका कर्जाहरु लिन सक्नेछन् ।

अहिले सानोतिनो कर्जाका लागि बैंकमा जानुपर्ने झण्झण्ट छ । बैंकमा जानुपर्ने झण्झटहरुलाई कम गर्ने र सोबाट मुक्त हुनका लागि यस्तो व्यवस्था लागू गर्न खोजिएको हो ।


१२ मंसिर, काठमाडाैँ। नेपाल स्थित अमेरिकी राजदूतावासले अमेरिकी फोटोग्राफर कितिया पावलोस्कीले सगरमाथा क्षेत्रमा खिचेका

११ मंसिर, काठमाडाैँ। आगामी माघदेखि मदिरा, चुरोट, गुट्खा र सुर्ती उद्योगले अनिवार्यरुपमा विद्युतीय बीजक

१० मंसिर, एजेन्सी। विद्युतीय कार निर्माता कम्पनी टेस्लाले सिट बेल्टको सम्भावित सुरक्षा जोखिमका कारण चीनबाट

१० मंसिर, काठमाडाैँ। गुगल म्यापले नेपाली सडकमा पनि ट्राफिकको अवस्थाबारे रियल टाइममा जानकारी दिन