मेटाले मेसेन्जरमा कसैको हराएको इन्क्रिप्टेड सन्देशको स्क्रिनसट गोप्य रूपमा लिन नमिल्ने बनाइरहेको छ। मेटाले घोषणा गरे अनुसार फेसबुक मेसेन्जर एन्ड-टु-इन्ड ईन्क्रिप्टेड च्याट र कलहरूमा अझ धेरै सुविधाहरू रहेको छन् । यो सुविधा पहिले भ्यानिस मोडमा देखाइएको थियो तर अब सबै मेसेन्जर च्याटमा रोल आउट गरिने भएको छ।
यदि कसैले तपाइँको च्याटको स्क्रिनसट लियो भने, तपाइँले एक सूचना पाउनु हुनेछ । यो सुबिधा पहिले देखि स्नाप्चातमा पनि उपलब्द छ । मेटाका सीईओ मार्क जुकरबर्गका अनुसार फेसबुक मेसेन्जरले अब एन्ड-टु-इन्ड ईन्क्रिप्टेड च्याटहरूको लागि नयाँ सुविधाहरू थपेको बताउनु भएको छ । यदि तपाईं एन्ड-टु-इन्ड ईन्क्रिप्टेड च्याटमा हुनुहुन्छ र तपाईंले स्क्रिनसट लिनुभयो भने, मेसेन्जरले अर्को प्रयोगकर्तालाई च्याटमा स्क्रिनसट लिइएको जानकारी दिनेछ।
मार्क जुकरबर्गले सामाजिक सञ्जाल प्लेटफर्ममा साझा गरेको छविमा सूचना कस्तो देखिन्छ भनेर पनि देखाएका छन् अहिलेको युगमा गोपनीयता एउटा सरोकारको मुद्दा हो भन्ने कुरालाई ध्यानमा राख्दै यो सुबिधा ल्याइएको हो । यस्तो कदमले मानिसहरूलाई फेसबुक मेसेन्जर मार्फत सञ्चार गर्दा अलि बढी सुरक्षित महसुस गर्न मद्दत गर्न सक्ने विश्वास लिइएको छ ।
एक रिपोर्टका अनुसार मेटाले महिला सुरक्षा हब पनि सुरू गरेको छ । कम्पनीले यो प्लेटफर्मलाई महिलाहरूका लागि सुरक्षित बनाउन र उनीहरूलाई उत्पीडनको धम्की बिना स्वतन्त्र रूपमा जानकारी पहुँच गर्ने क्षमता दिनलाई प्राथमिकता दिएको हो । हब हिन्दी र अन्य क्षेत्रीय भाषाहरू सहित १२ भारतीय भाषाहरूमा उपलब्ध हुने मेटाले बताएको छ ।
यद्यपि मेसेन्जरले E2EE को सन्दर्भमा केही सुधारहरू प्राप्त गरिरहेको छ । मेटाले इन्स्टाग्राम र मेसेन्जर कुराकानीहरू संयोजन गर्दा वर्ष २०२३ सम्म सबै च्याटहरू इन्क्रिप्ट गर्ने योजना बनाएको छ।
