वाबइटलइन्फोको नयाँ रिपोर्ट अनुसार गूगलले चाँडै एन्ड्रोइड प्रयोगकर्ताहरूको लागि व्हाट्सएप च्याट ब्याकअप गर्नको लागि सीमित भण्डारण ठाउँ प्रस्ताव गर्न सक्ने जनाएको छ ।
गुगलले हाल एन्ड्रोइड प्रयोगकर्ताहरूलाई व्हाट्सएप च्याट ब्याकअप गर्नको लागि असीमित ठाउँ प्रदान गरेको छ । यसलाई गूगल ड्राइभ भण्डारण कोटाको अंशको रूपमा गणना गरिएको छैन । यद्यपि, यो भविष्यमा परिवर्तन हुने सम्भावना देखिएको छ।
वाबइटलइन्फो द्वारा विकास अन्तर्गत एउटा नयाँ सुविधा ल्याईएको छ जसले गूगल ड्राइभमा ब्याकअप गर्दा प्रयोगकर्ताको व्हाट्सएप च्याटहरू व्यवस्थापन गर्न अनुमति दिने भएको छ । प्रयोगकर्ताले गूगल ड्राइभमा ठाउँ बचत गर्न ब्याकअपबाट विशेष सन्देशहरू र मिडिया जस्तै फोटो, भिडियो र फाइलहरू बहिष्कार गर्न सक्षम हुने छन्।
वाबइटलइन्फोले आफ्नो रिपोर्टमा उल्लेख गरे अनुसार , गुगलले अझै पनि व्हाट्सएप ब्याकअपहरू निःशुल्क भण्डारण गर्न निश्चित कोटा प्रस्ताव गर्ने तर यो सीमित योजना हुने बताएको छ । नयाँ भण्डारण योजनाको बारेमा अहिले अज्ञात रहेको जानकारी समेत दिएको छ ।
रिपोर्ट हेर्दा, यस्तो देखिन्छ कि गुगलले च्याट ब्याकअपको लागि एन्ड्रोइडमा व्हाट्सएप प्रयोगकर्ताहरूलाई प्रदान गर्ने असीमित भण्डारण समाप्त गर्ने योजना गरिरहेको छ। यद्यपि, हाल गुगल र व्हाट्सएपले विकासको पुष्टि गरेका छैनन्।
