सन् २०२० मा विविध कारण देखाउंदै चिनिया एपहरु माथि भारत सरकारले प्रतिबन्ध लगाएको थियो।

जसमध्य मोबाईल गेम पब्जी पहिले नै पुनरागमन भईसकेको थियो भने टिकटक लगायतका केहि एपहरु भने पुनारागमन्यको अवसर कुरेर बसेका थिए।

टिकटकको मातृ कम्पनि बाइटडान्सले भारतमा आफ्नो साझेदारी भेटे उक्त देशमा टिकटकको पुनरागमन हुने बताएको छ। भारतीय साझेदारीले भारतमा टिकटक पुनरागमन गर्न सजिलो हुने उसको धारणा रहेको छ। टिकटक भारतमा पुनरागमन भए यसले कम्पनीमा काम गर्ने नयाँ कर्मचारीको मागसमेत गर्ने उल्लेख छ।

बाइटडान्स भारतमा फिर्ता हुनका लागि योट्टा इन्फ्रास्ट्रक्चर सोलुसनको नाममा सञ्चालित हिरानन्दनी ग्रुपसँग छलफल गरिरहेको छ।

इकोनोमिक्स टाइम्सका अनुसार भारतमा पुनरागमनका विषयमा बाइटडान्सले सरकारसँग भने कुनै परामर्श तथा सम्पर्क नगरेको वरिष्ठ सरकारी अधिकारीले बताएका छन् ।

यदि टिकटक भारतमा फिर्ता भएमा उसले भारत सरकारको नियमानुसार काम गर्नुपर्नेछ र डाटा सेन्टर पनि भारतमै राख्नुपर्नेछ ।