१२ असार, काठमाडाैँ । नेपाली बजारमा भिभोको नयाँ स्मार्टफोन सार्वजनिक भएको छ। शनिबार भिभोले वाई५५ स्मार्टफोन नेपाली बजारमा सार्वजनिक गरेको हो।

फोनमा १२८ जिबीको इन्टरनल मेमोरी क्षमता र ८ जिबी र्याम रहेको छ। त्यस्तै, ब्याट्री लामो समयसम्म टिकाउनका लागि फोनमा ५००० एमएएच पावर क्षमताको व्याट्री प्रयोग गरिएको छ।

त्यस्तै, उच्च गुणस्तरका  तस्बिरको कैद गर्नका लागि ५० मेगापिक्सलको रियर क्यामेरा यो फोनमा प्रयोग गरिएको छ।

भिभो नेपालका सीईओ माइकलका अनुसार उपभोक्ताहरूको माग र आवश्यकताहरुलाई पूरा गर्न भिभो प्रयासरत रहेका कारण युवा केन्द्रित वाई सिरिजमा सबैका लागि अत्याधुनिक विशेषताहरु प्रदान गर्ने दृष्टिकोण भिभोले राखेको छ।

यस फोनमा ४४ वाटको फास्ट चार्जिङ सुविधा पनि ग्राहकहरूले पाउनेछन्। वाई५५ मा यसका अलावा इन–डिस्प्ले फास्ट फिंगरप्रिन्ट स्क्यानिङ सुविधा पनि उपलब्ध छ।