१२ मंसिर २०७९, सोमबार

Logo

‘रूसद्वारा कीभको क्षेप्यास्त्र कारखानामा आक्रमण’



१३ असार, एजेन्सी । रूसले क्षेप्यास्त्र कारखानामा प्रहार गरेको रूसी रक्षा मन्त्रालयले दावी गरेको छ ।

स्थानीय समयअनुसार आइतबार बिहानै यूक्रेनी राजधानी कीभस्थित क्षेप्यास्त्र कारखानामा प्रहार गरेको हो ।

रूसी रक्षा मन्त्रालयद्वारा जारी एक विज्ञप्तिमा भनिएको छ, “आर्टयोम कारखाना ‘सैन्य आधारभूत संरचनाको लक्ष्य थियो’ । यद्यपि यूक्रेनी वायु रक्षा प्रणालीले आक्रमणको प्रतिरक्षा गर्दा नजिकैको आवासीय भवनमा क्षति पुगेको छ ।”

रूस–यूक्रेन युद्ध सुरू भएको करिब पाँच महिना पुग्न लाग्दासम्म पनि दुई देशबीचको युद्ध रोकिने कुने सङ्केत देखिएको छैन । योबीचमा दुबै पक्षका गरी हजारौँ व्यक्तिको मृत्यु भएको अनुमानहरू गरिएको छ । यद्यपि युद्धका कारण क्षतिको वास्तविक लेखाजोखा भने आउन सकेको छैन ।

शनिवार यूक्रेनले हप्तौँको भीषण लडाइँपछि रुसी सेनाले सेभेरोडोनेट्स्कलाई ‘पूर्ण रूपमा कब्जा गरेको’ बताएको थियो । रूसले पूर्वी यूक्रेनको उक्त सहर नियन्त्रणमा लिएपछि लगभग लुहान्स्क र डोनेट्स्क क्षेत्रका थुप्रै भूभाग नियन्त्रणमा राख्न सक्छ । डोनेट्स्क र लुहान्स्क क्षेत्रलाई डोन्बास भनिन्छ जुन एउटा ठूलो औद्योगिक क्षेत्र पनि हो ।

शनिवार साँझको भिडिओ सम्बोधनमा युक्रेनी राष्ट्रपति भोलोदिमिर जेलेन्स्कीले रूसले कब्जा गरेका ‘आफ्ना सबै सहरहरू’ फिर्ता लिने दाबी गरेका छन् ।

तर उनले रुससँगको युद्ध भावनात्मक रूपमा कठिन चरणमा प्रवेश गरेको र अझै कति प्रहार र नोक्सानी हुन्छ भन्ने यकिन नभएको बताए ।


११ मंसिर, काठमाडाैँ। आगामी माघदेखि मदिरा, चुरोट, गुट्खा र सुर्ती उद्योगले अनिवार्यरुपमा विद्युतीय बीजक

१० मंसिर, एजेन्सी। विद्युतीय कार निर्माता कम्पनी टेस्लाले सिट बेल्टको सम्भावित सुरक्षा जोखिमका कारण चीनबाट

१० मंसिर, काठमाडाैँ। केही समय अघि विश्वभर चर्चित सगरमाथाको क्षेत्रमा खिचिएको भनिएको हिमचितुवाको तस्बिर

१० मंसिर, काठमाडाैँ। गुगल म्यापले नेपाली सडकमा पनि ट्राफिकको अवस्थाबारे रियल टाइममा जानकारी दिन