हराएको स्मार्टफोन फेला पार्नु ठूलो कुरा हो, तर बेलायतबाट आएको एउटा खबरले भने चकित बनाएको छ । त्यहाँ एक व्यक्तिले आफ्नो आईफोन नदीमा खसेको १० महिनापछि फेला पारेका छन् ।
र, अचम्मको कुरा उक्त फोनले अझै काम गरिरहेको छ।
यो खबरले ब्रिटिस मिडियामा हेडलाइन बनिरहेको छ । र मानिसहरु १० महिनादेखि हराएको फोन फेला परेपछि पनि कसरी राम्रो अवस्थामै भएको भन्दै चकित परिरहेका छन्।
यो घटना गत वर्ष अगस्टमा भएको बताइएको छ । एडिनबर्ग निवासी ओवेन डेभिसको आईफोन वाई नदीमा खसालेका थिए । उनले फोन नभेट्टिने कुरामा निश्चित थिए। तर अहिले के भयो उनले नै पत्याउ सकिरहेका छैनन्।
यो घटनाले आइफोनको टिकाउ क्षमता उच्च रहेको भन्दै अड्कलबाजी सुरू भएको छ। आखिर, १० महिना पानीमा डुबेको उपकरण फेरि काम गर्न सक्षम भयो। फोन पूर्ण रूपमा प्रयोगयोग्य छ वा छैन भन्ने अझै थाहा छैन, तर यसले आईफोनको उत्कृष्ट निर्मित गुणस्तरको उदाहरण प्रस्तुत गर्ने धेरैले बताएका छन्।
अर्का एक व्यक्तिले उक्त फोन नदीको अर्को किनारामा फेला पारेका थिए। त्यसपछि सफा गरेर सुकेपछि फोन चार्ज हुन थाल्यो र यसको लक स्क्रिनले पनि काम गरिरहेको थियो । उक्त फोनमा अगस्ट १३ को मिति रेकर्ड भएको थियो, जुन दिन फोन नदीमा खसेको थियो ।
