१७ असार, एजेन्सी । भारतमा वान प्लस ब्राण्डको नयाँ फोन सार्वजनिक भएको छ। शुक्रबार भारतमा वान प्लस नोर्ड २टि (OnePlus Nord 2T 5G) सार्वजनिक भएको हो।

यो फोन गत वर्ष भारतमा सार्वजनिक भएको OnePlus Nord 2 5G मा केही परिस्कृत गरेर सार्वजनिक गरिएको हो। नोर्ड २टिमा ९० हर्जको एमोलेड डिस्प्ले र ट्रिपल रियर क्यामेरा रहेको छ।

त्यस्तै, ४५०० एमएएच क्षमताको ब्याट्रीले थप सुविधा दिने बताइएको छ।

यस फोनमा ओक्टा-कोर मिडियाटेक डाइमेन्सिटी १३०० एसओसी दिइएको छ। त्यस्तै, यो फोनमा ८० वाटको फास्ट चार्जिङ सुविधा पनि रहेको छ। नोर्ड २टीले भारतमा मोटोरोला एज ३०, आक्युओ नियो ६, पोको एफफोर फाइभ जी, एमआइ ११एक्स र सामसुङ ग्यालेक्सी ए३३ फाइभजीसँग प्रतिस्पर्धा गर्ने बताइएको छ।

भारतमा नोर्ड २टी फाइभजीको मूल्य भेरियन्ट अनुसार फरक रहेको छ। ८ जिबी र्याम तथा १२८ जिबी मेमोरी क्षमताको फोनको मूल्य २८,९९९ रूपैयाँ भारतीय मूल्य रहेको छ। त्यस्तै, १२ जिबी र्याम तथा २५६ जिबी मेमोरी क्षमताको यसै फोनको मूल्य भने ३३,९९९ रूपैयाँ तोकिएको छ।

भारतमा Amazon, OnePlus.in, OnePlus Store app, OnePlus Experience Stores तथा खुद्रा स्टोरबाट यो फोन खरिद गर्न सकिनेछ ।