२१ असार, एजेन्सी । रिलिज हुने तयारीमा रहेको एप्पल वाचको ८ सिरिजमा ज्वरो समेत नाप्न सक्ने फिचर राख्ने बताइएको छ। यसै वर्षको अन्तिमतिर रिलिज हुने उक्त वाचमा राख्न लागिएको फिचर ग्राहकहरूका लागि नाैलो हुनेछ।
ब्लुमबर्गका स्तम्भकार गर्मनले एप्पल वाचले अब शरीरको ताप समेत नाप्न सक्ने फिचर ल्याउने उल्लेख गरेका हुन्। तर, एप्पल वाचकै SE2 सिरिजमा भने यो फिचर उपलब्ध नहुने बताइएको छ।
एप्पल वाचको ८ सिरिजमा तापक्रम नाप्ने फिचर राखिने भएता पनि यसका लागि एफडिएसँग अनुमति लिनुपर्ने बताइएको छ। उक्त वाचमा आउन लागेको तापक्रम नाप्ने फिचर पछिल्लो संस्करणको ब्लड अक्सिजन सेन्सरसँग मिल्दो जुल्दो रहने पनि उल्लेख छ। जस अनुसार प्रयोगकर्ताले शरीरको बारेमा सामान्य जानकारी त पाउँछन् तर मेडिकल इन्फर्मेसन भने नहुन सक्छ।
