२४ असार, काठमाडाैँ । नेपाल टेलिकमले सस्तो इन्टरनेट प्याकेज ल्याएको छ। टेलिकमले लार्ज सोसल मिडिया प्याक अन्तर्गत कम मूल्यमा धेरै डेटा उपलब्ध गराउने भएको हो।
नेपाल टेलिकमले लार्ज सोसल मिडिया प्याक अन्तर्गत ५९९ रूपैयाँमा ३८ जिबी डेटा दिने भएको छ। यो डेटा २८ दिनका लागि मान्य हुनेछ।
टेलिकमको यस अफर अन्तर्गत प्रयोगकर्ताहरूले १० जिबी डेटा एकमुस्ट पाउनेछन्। यसरी पाएको डेटाबाट २८ दिनसम्म सबै प्रकारका नेटहरू चलाउन सकिनेछ।
त्यसैगरी, २८ दिनसम्म दैनिक रूपमा १ जिबीका दरले डेटा पाइनेछ। यसरी दैनिक रूपमा उपलब्ध हुने डेटाबाट फेसबुक र युट्युब चलाउन सकिने जानकारी दिइएको छ।
प्रयोकर्ताहरूले यस्तो डेटाका लागि *1415# डायल गर्न सक्नेछन्। त्यसैगरी, टेलिकमको एपमार्फत पनि यो डेटा लिन सकिनेछ।
