२६ असार, एजेन्सी । सार्वजनिक हुने मिति नजिकिँदै गर्दा नथिङ फोन १ को क्यामेराबारे विवरण आधिकारिक रूपमा सार्वजिक भएको छ। जुलाइ १२ मा सार्वजनिक हुने फोनको क्यामेरबारेको विवरण शुक्रबार सार्वजनिक गरिएको हो।
विवणर सहित फोनका उच्च स्तरका तस्बीरहरू पनस अनलाइनमा देखिएका छन्।
यस फोनको पछाडी २ वटा क्यामेरा हुनेछन्। फोनको निर्माता कम्पनीले यस फोनमा सोनी अाइएमएक्स७६६ को प्राइमरी सेन्सरसहितको क्याम हुने जानकारी दिएको छ।
यो फोन चार्जर सहित उपलब्ध हुने बताइएको छ। त्यस्तै, अन्डर डिस्प्ले फिंगरप्रिन्ट सेन्सर फोनमा हुने बताइएको छ।
यो फोनको क्यामेरमा १/१.५६ इन्चको सेन्सर साइज, १.८८ एपर्चर, अल्ट्रा वाइड एंगल क्यामेरा प्रयोग हुनेछ। जसले ११४ डिग्री सम्मको तस्बीर कैद गर्न सक्नेछ।
यस फोनको क्यामेराबाट १० बिट कलर भिडियो कैद गर्न सकिने कम्पनीले बताएको छ। अहिले यो फोन कालो र सेतो रंगमा मात्रै उपलब्ध हुने बताइएको छ।
यो फोन भारतमा ३० हजारदेखि ४० हजार भारूसम्ममा उपलब्ध हुने अनुमान छ। अहिले यो फोन सार्वजनिकको प्रतीक्षामा धेरै मानिसहरू बसिरहेका छन्।
