३० असार, एजेन्सी । एप्पलको प्रतिक्षित नयाँ मोडल आइफोन १४ केही हप्तामा नै रिलिज हुने समाचार सार्वजनिक भएका छन्। अन्तरराष्ट्रिय सञ्चारमाध्यमहरूले आइफोन १४का चार वटा भेरियन्ट सार्वजनिक गर्ने दाबी गरेका छन्।
तर, एप्पलले भने यसबारे केही सार्वजनिक गरेको छैन। लाखाैँ मानिहरू आइफोन १४ को प्रतिक्षामा बसिरहेका छन्।
आइफोनले नयाँ फोनहरू अगस्टको अन्तिम तथा सेप्टम्बरको सुरूवाती दिनहरूमा सार्वजनिक गर्ने गरेको छ। सोही अनुसार अन्तरराष्ट्रिय मिडियाहरूले पनि सेप्टेम्बर १३ मा आइफोन १४ सिरिजका फोनहरू सार्वजनिक हुने उल्लेख गरिरहेका छन्।
एप्पलले आइफोन १४ सिरिज अन्तर्गत आइफोन १४, आइफोन १४ म्याक्स, आइफोन १४ प्रो र आइफोन १४ प्रो म्याक्स सार्वजनिक गर्ने अनुमान छ। यसअघि पनि एप्पलले आइफोन १३ का चार वटा मोडल नै सार्वजनिक गरेको थियो।
