३१ असार, एजेन्सी । माइक्रोसफ्टले विन्डोज ७ र ८.१ मा माइक्रोसफ्ट ३६५ एपका लागि सपोर्ट बन्द गर्ने भएको छ। १० जनवरी २०२३ देखि माइक्रोसफ्टले ती अपरेटिङ सिस्टममा माइक्रोसफ्ट ३६५ एपका लागि सपोर्ट बन्द गर्ने घोषणा गरेको हो।
सपोर्ट बन्द गर्ने घोषणा गर्ने घोषणा गरेसँगै प्रयोगकर्ताहरूलाई नयाँ अपरेटिङ सिस्टममा सिफ्ट हुन माइक्रोसफ्टले अनुरोध गरेको छ।
विन्डोज ८.१ माइक्रोसफ्टको चर्चित अपरेटिङ सिस्टममा पर्दैन। तथापी, यसका प्रयोगकर्ता भने रहेका छन्।
गत महिना माइक्रोसफ्टले विन्डोज ८.१ का लागि अपडेट तथा सेक्युरिटी सपोर्ट बन्द गर्ने घोषणा गरेको थियो। विन्डोज ८.१ २०१३ मा सार्वजनिक भएको थियो।
