१ साउन, एजेन्सी । स्मार्टफोन प्रयोगकर्ताहरूले थप नयाँ र आकर्षक इमोजीहरू प्रयोग गर्न पाउने भएका छन्। नयाँ भर्सन १५.० का लागि इमोजीहरूको लिस्ट सार्वजनिक भएसँगै इमोजीमा प्रयोगकर्ताहरूको छनाैटको दायरा थप बढ्ने भएको हो।
नयाँ इमोजीहरूमा टाउको हल्लाएको, हाइफाइभ लगायत अन्य प्रकारहरू रहेका छन्। इमोजीको नयाँ अपडेट अर्को वर्ष सार्वजनिक हुने बताइएको छ।
नयाँ अपडेटमा मुटुका थप तीन रंगहरू पनि पाइने बताइएको छ। सादा निलो, पिंक र खैरो रंगका मुटुहरूको आकृति अब आउने अपडेटका प्रमुख आकर्षण हुनेछन्।
त्यस्तै, जनावरहरू, फलफूल लगायत सांस्कृतिक आवरणहरू पनि नयाँ अपडेटमा देखिने बताइएको छ।
स्मार्टफोनहरूमा प्रयोग गर्न मिल्ने इमोजीहरूबारे स्वीकृति दिने काम द युनिकोड कस्नोर्टियमले गर्छ। अहिले सोही संस्थाको स्विकृतिमा इमोजिपेडियाले नयाँ इमोजीहरूको नमुना समेत उपलब्ध गराएको छ।
