३ साउन, एजेन्सी । एन्ड्रोइडको नयाँ अपरेटिङ सिस्टम ‘१३’ सेप्टेम्बरमा रिलिज हुने अनुमान गरिएको छ।
एन्ड्रोइडको १३ अपरेटिङ सिस्टमको कोडनेम ‘टिरामिसु’ राखिएको छ। यस भर्सनबारे दुई डेभलपरहरूसँग यसबारे रिभ्यु समेत लिइसकेको छ।
पछिल्ला वर्षहरू हेर्ने हो भने एन्ड्रोइडले नयाँ अपरेटिङ सिस्टमहरू सेप्टेम्बरमा रिलिज गरिरहेको छ। तर, पनि कहिलेकाही अगस्ट र अक्टोबरमा पनि नयाँ भर्सन रिलिज भएका छन्।
एन्ड्रोइडको १२ अपरेटिङ सिस्टमा २०२१ को अक्टोबर ४ मा रिलिज भएको थियो।
रिलीज टाइमलाइन चार्टले देखाएको अनुसार मार्चदेखि जुलाईसम्म एन्ड्रोइडले धेरै परीक्षणहरू गर्छ। त्यसपछि अन्तिम रिलिजले कुनै महिना उल्लेख गर्दैन। तर यो यी तीन महिना अगस्ट, सेप्टेम्बर, र अक्टोबरमा नयाँ भर्सन रिलिज गर्ने प्रवृत्ति रहेको छ।
एन्ड्रोइड १३ मा अत्याधुनिक फिचरहरू थप गरिने र पुराना फिचरहरू संशोधन गरिने पनि बताइएको छ।
