३ साउन, एजेन्सी । रूसले गुगललाई २१.१ बिलियन रूबल अर्थात् ३७३ मिलियन अमेरिकी डलर जरिबाना लगाएको छ। युक्रेन युद्ध र अन्य सामग्रीको प्रतिबन्धित सामग्रीमा पहुँच प्रतिबन्ध गर्न असफल भएकोमा गुगललाई उक्त जरिबाना लगाइएको हो।

रूसका सञ्चार नियामक रोस्कोम्नाड्जोरले गुगलका पोस्टहरू गलत भएको र रूसीहरूलाई विरोधका लागि उत्प्रेरित गर्ने खालको भएको बताएको छ।

अमेरिकाको टेक जायन्टलाई रूसले व्यवस्थित रूपमा कानुन उल्लंघन गर्ने संस्थाको संज्ञा पनि दिएको छ।

यसबारे गुगलले तुरुन्तै टिप्पणी गरेको छैन।

कम्पनीको स्थानीय सहायकले गत महिना टाट पल्टिएको घोषणा गरेको थियो। रुसी अधिकारीहरूले यसको स्थानीय बैंक खाता जफत गरेपछि यो कम्पनी टाट पल्टिएको थियो।

हालैका वर्षहरूमा, रूसले प्राविधिक फर्महरूमाथि दबाब बढाउँदै आएको छ।  उनीहरूको सामग्रीलाई राम्रोसँग मध्यस्थता नगरेको र देशको आन्तरिक मामिलामा हस्तक्षेप गरेको आरोप रूसले लगाइरहेको छ।