२० मंसिर २०७९, मंगलवार

Logo

नेपालमा किन चल्दैन डेटिङ एप? कस्ता कस्ता छन् त प्लेटफर्महरु?



पहिले नेपालमा डेटिङको चलन खासै लोकप्रिय थिएन, तर अहिले नेपाली युवाहरूबिच डेटिङ बारे चर्चा र जिज्ञासा बढेको पाइन्छ। टिन्डर, बम्बल, ओके क्युपीड जस्ता डेटिङ एपले अहिले संसार नै कब्जा गरेको बेला नेपालमा भने तिनै एपले चर्चा पाएका छैनन्। राष्ट्रिय देखि अन्तर्राष्ट्रिय  स्तरका डेटिङ एपहरू नेपालमा प्रयोग गर्न मिलेता पनि नेपालको बजारमा आखिर कुनै पनि एपले किन चर्चा कमाउन सकेका छैनन् त?

१. प्रयोगकर्ताको कमी
प्राय जसो सबै डेटिङ एपले नयाँ भूगोलमा यो समस्या भोगेको पाइन्छ त्यसै माथि नेपालजस्तो देश, जहाँ डेटिङबारे चर्चासम्म हुँदैन, त्यहाँ थुप्रै प्रयोगकर्ताहरू जम्मा गर्नु एउटा कठिन काम बन्न जान्छ जहाँ प्रयोगकर्ता कम हुन्छन्, त्यहाँ रोजाई पनि थोरैमा गर्नु पर्ने हुन्छ, जस कारण सबैलाई चाहेजस्तो मेला भेटिनु गाह्रै पर्न जान्छ।

२. नेपाली धारणा
डेटिङ एपमा म्याच भएको व्यक्तिसँग कुराकानी गर्ने अनि भेट्ने गर्नु पर्ने हुन्छ तर हाम्रो नेपाली चलनमा अनजान व्यक्तिसँग टाढै बस्ने, धेरै हिमचिम नगर्ने भन्ने बिचार लिएर हुर्किएको हुँदा अचानक अनजान व्यक्तिहरूलाई विश्वास गर्नु अप्ठ्यारो नै हुन्छ त्यस कारण धेरै नेपालीहरू डेटिङ एप प्रयोग गर्न हिच्किचाउछन्।

३. सुरक्षा
प्रयोग गर्न चाहने प्रयोगकर्ताहरूमध्ये धेरैलाई सुरक्षाबारे चिन्ता हुने हुँदा डेटिङ एप चलाउन खोज्दैनन्। एपमा भएका सबै प्रयोगकर्ता साँच्चिकै त्यही व्यक्ति नै हुन् त अनि उनीहरूले भरेको विवरण सत्य नै हो त भन्ने अलमलले प्रायजसो महिला जनसङ्ख्याले डेटिङ एप प्रयोग गर्न चाहँदैनन् जसले गर्दा पुरुष जनसङ्ख्याले धेरै रोजाई पाउँदैनन्।

यस्ता कारणहरूले नेपालमा डेटिङ एप खासै चर्चामा नरहेको पाइन्छ, तर बिस्तारै बिस्तारै नयाँ पीढीमा यसको प्रयोग बढी देख्न सकिन्छ।

नेपालमा भएका डेटिङ एप र प्लेटफर्म के कस्ता छन् त?
यहाँ अन्तर्राष्ट्रिय देखि राष्ट्रिय स्तरका डेटिङ एप र प्लेटफर्महरू भेटाउन सकिन्छ Tinder, Badoo, Asian Cupid, OKCupid, InternationalCupid, Nepal Friends Date, जस्ता प्लेटफर्महरूले युवाहरूलाई नि:शुल्क वा थोरै रकममा डेटिङको प्लेटफर्म दिएका छन्। त्यसैले यहाँ रोजाई र विकल्प त थुप्रै छन् तर मुख्य समस्या प्रयोगकर्ताहरूलाई जम्मा गर्ने नै भएको हुँदा यो समस्या छिट्टै समाधान होला कि भन्ने आशा राख्दै हामी पनि डेटिङतर्फ सकारात्मक धारणा लिएर अघि बढ्नु आवश्यक छ।

 


१९ मंसिर, काठमाडाैँ। त्रिभुवन अन्तर्राष्ट्रिय विमानस्थल भन्सार कार्यालयले आइतबार ठूलो परिमाणमा महँगा फोनहरू बरामद

१८ मंसिर, एजेन्सी। एप्पलले हालैक सातामा आफ्नो केही उत्पादन चीन बाहिर सार्न र आपूर्तिकर्ताहरूलाई

१८ मंसिर, काठमाडाैँ। नेपाल विद्युत् प्राधिकरणको पोलमा अव्यवस्थित तरिकाले तानिएका र प्रयोगमा नरहेका तार

१६ मंसिर, काठमाडाैँ। न्युज पोर्टल उकेरामाथि साइबर हमला भएको छ । बिहीबार राति उकेराको