२३ साउन, गोरखा। मनकामना केबलकार बन्द भएको छ। मनकामना केवलकार प्रालिले दिएको जानकारी अनुसार आजदेखि ६ देखि ७ हप्तासम्म केबलकार बन्द हुनेछ।
एनालग कनेक्ट प्रणालीलाई डिजिटल प्रणालीमा स्तरोन्नती गर्न सेवा बन्द गर्न लागिएको मनकामना केवलकार प्रालिले केही दिन अघि जानकारी दिएको थियो।
कम्पनीले दिएको जानकारी अनुसार केबलकार स्तरोन्नतिका लागि अष्ट्रियाबाट प्राविधिक नेपाल आइसकेका छन्।
कम्पनीद्वारा जारी विज्ञप्तीमा भनिएको छ, ‘स्तरोन्नति कार्य करिब पाँच देखि ६ हप्तामा सम्पन्न हुने छ। यस अबधिभर केबलकार सेवा बन्द रहे पनि बेस स्टेशनमा रहेको रेष्टुरेन्ट भने चालु रहने छ।’
