१२ मंसिर २०७९, सोमबार

Logo

के हो VPN? किन पर्छ यसको आवश्यकता?



के हो VPN? किन पर्छ यसको आवश्यकता?

तपाइ कुनै पार्क, मार्ट, होटेल वा सार्वजनिक स्थलमा हुँदा कहिले काहीँ सार्वजनिक इन्टरनेट भेटिन्छ। अनि तपाईँ हुत्तिएर त्यो वाई फाई जोड्नु हुन्छ। तर के तपाईँलाई थाहा छ, यो गर्नु हाम्रो डाटा र डिजिटल सुरक्षाको लागि ठिक होइन। तपाइले अनजानमै सार्वजनिक वाइफाईबाट पैसा लेनदेन गर्नु हुन्छ भने त्यो जस्तो खतरा अरू केही हुँदैन। कसरी सुरक्षित राख्न सकिन्छ त हाम्रो निजी डाटा?

यो समस्याको समाधान गर्न भर्चुअल निजी नेटवर्क (VPN) आउँछ। यसले तपाईँलाई सार्वजनिक इन्टरनेट जडानबाट निजी नेटवर्क सिर्जना गरेर अनलाइन गोपनीयता प्रदान गर्दछ। भीपीएनले तपाईँको IP ठेगाना ढाक्छ जसले गर्दा तपाईँको अनलाइन कार्यहरू ह्याकरले पत्ता लगाउन सक्दैनन्। त्यसै माथि भीपीएन सेवाले सुरक्षित र एन्क्रिप्टेड जडानहरू स्थापना गर्दछ जसले गर्दा ह्याकरले हाम्रो कुनै पनि क्रियाकलाप हेर्न सक्दैनन्।

भर्चुअल प्राइभेट नेटवर्क (VPN) एउटा प्रमुख गोपनीयता बनाइराख्ने प्रविधि हो जुन तपाईँले सार्वजनिक स्थान जस्तै पसल, होटेल वा कुनै अन्य स्थानबाट इन्टरनेटमा लग इन गर्दा प्रयोग गर्नु पर्दछ। त्यसले गर्दा नि: शुल्क सार्वजनिक वाई-फाई मा पनि हामीले सुरक्षा प्राप्त गर्दछौ।

कसरी काम गर्छ त VPN?

भीपीएनले एक प्रकारको टनेल सिर्जना गर्दछ। यो टनेलमा तपाईँले क्लिक गर्नुभएको लिङ्कहरू वा तपाईँले डाउनलोड गर्नुभएको फाइलहरू हुन्छन्। यसले तपाईँ रहेको ठाउँभन्दा बेग्लै ठाउँको IP ठेगाना दिन्छ।

भीपीएनहरूले अनिवार्य रूपमा तपाईँको स्थानीय नेटवर्क र अर्को स्थानको नेटवर्क बिचमा डाटा टनेल बनाउँछ। यो दुरी हजारौँ माइलको हुन सक्छ, जसले गर्दा तपाईँ अर्को ठाउँमा हुनुहुन्छ जस्तो देखिन जान्छ।

त्यसका माथि तपाइको डाटालाई एन्क्रिप्टेड गराएर यसले तपाईँको अनलाइन गतिविधि नबुझिने बनाइदिन्छ। साइबर अपराधीहरू, व्यवसायहरू, सरकारी एजेन्सीहरू, वा अन्य जासुसहरूले यस कारण तपाइको डाटा र क्रियाकलाप देख्न सक्दैनन्।

VPN प्रयोग गर्नुका कारणहरू :

असुरक्षित वेब सर्फिंग वा असुरक्षित वाई-फाई नेटवर्कमा लेनदेन गर्नुको अर्थ तपाईँ आफ्नो निजी जानकारी र ब्राउजिंग बानीहरू सजिलै अरूको हातमा दिँदै हुनुहुन्छ। यसैले सबै डाटाको अनलाइन सुरक्षा र गोपनीयताको लागि VPN एकदमै आवश्यक छ।

होटेलको लबीमा आफ्नो अनलाइन बैङ्क खातामा लग इन गर्दा धेरै खतरा हुन्छ। भीपीएनहरूले अनलाइनमा तपाईँको डेटा इन्क्रिप्ट गर्दछ जसले हाम्रो निजी जानकारी कसैको हात पर्दैन।

VPN को अर्को राम्रो उपयोग यो हो कि यदि तपाईँ आफ्नो देशभन्दा फरक भौगोलिक स्थानमा हुनुहुन्छ भने तपाइले आफ्नो नेटफ्लिक्समा अमेरिकाको सो हेर्न आफ्नो VPN फेर्दा हुन्छ। यसले गर्दा हामी युके बसे पनि इन्डियाको सोहरू हेर्न पाउँछौ।


११ मंसिर, काठमाडाैँ। आगामी माघदेखि मदिरा, चुरोट, गुट्खा र सुर्ती उद्योगले अनिवार्यरुपमा विद्युतीय बीजक

१० मंसिर, एजेन्सी। विद्युतीय कार निर्माता कम्पनी टेस्लाले सिट बेल्टको सम्भावित सुरक्षा जोखिमका कारण चीनबाट

१० मंसिर, काठमाडाैँ। केही समय अघि विश्वभर चर्चित सगरमाथाको क्षेत्रमा खिचिएको भनिएको हिमचितुवाको तस्बिर

१० मंसिर, काठमाडाैँ। गुगल म्यापले नेपाली सडकमा पनि ट्राफिकको अवस्थाबारे रियल टाइममा जानकारी दिन