३० साउन, काठमाडाैँ । नेपाली पब्जी मोबाइल गेम खेल्ने टोली साउदी अबर प्रस्थान गरेको छ। त्यहाँ हुने प्रतियोगिता पब्जी मोबाइल वर्ल्ड इन्भिटेसनल २०२२मा सहभागी हुन डेडआइ गाइज (डिइ) सोमबार त्यसतर्फ प्रस्थान गरेको हो।
साउदी अरेबियामा ३० लाख अमेरिकी डलर पुरस्कार राशी भएको पब्जी प्रतियोगिता हुँदै छ। उक्त प्रतियोगितामा सहभागी भए बापत डिइले नेपाली १६ लाख रूपैयाँ पाउने निश्चित भइसकेको छ।
अब प्रतियोगितामा गरेको प्रदर्शन र अंकको आधारमा डिइले पाउने रकम बढ्दै जानेछ।
डिइका तर्फबाट ६ जना खेलाडी साउदी अरब प्रस्थान गरेका छन्। उक्त टोलीमा चरी, जोकर, अनटप, सिफु र अनुज रहेका छन्।
