४ भदाै, काठमाडाैँ । एडिडासले चार्जिङको कुनै झन्झट बिना नयाँ सौर्य उर्जाबाट चल्ने हेडफोन सार्वजनिक गरेको छ।
यो हेडफोनमा भएको अत्याधुनिक सोलार प्यालनले अनन्त उर्जा प्रदान गर्ने बताइएको छ। त्यस्तै, नयाँ सौर्य शक्तिले अन्धकारमा मात्रै चलाउँदा पनि ८० घण्टाका लागि उर्जा दिइरहने बताइएको छ।
हेडफोनमा प्यानलहरूको पातलो तह राखिएको छ। जसले हेडफोनहरूलाई शक्ति दिन्छ र प्रकाशमार्फत सधैं चार्ज राख्छ।
प्रयोग गरिरहँदा पनि यस हेडफोन राती ८० घण्टासम्म चल्ने दाबी गरिएको छ। अधिकांश हेडफोनहरू २४ घण्टासम्म मात्र काम गर्ने गरेका छन्।
हेडफोनको परिष्करण यति उत्कृष्ट कि तपाईंले सहजै हेर्दा प्यानलहरू फेला पार्न सक्नुहुन्न। सामान्यतः धेरै हेडफोनहरूमा प्यानल देखिने गरि राखिएको पाइन्छ।
यो हेडफोनको नाम RPT-02 SOL दिइएको छ। यसको मूल्य २३० अमेरिकी डलर तोकिएको छ।
हेडफोनको सबैभन्दा राम्रो पक्ष यो हो कि यसलाई सूर्यको किरणले मात्र चार्ज गर्दैन। हरेक प्रकारका प्रकाशबाट यो चार्ज भइरहेको हुन्छ। जस्तै, सडक बत्ती, सुर्य किरण र घर तथा कार्यालयका बत्तिको प्रकाशहरूबाट पनि यो सहजै चार्ज हुन्छ।
