७ भदाै, काठमाडाैँ । मेरो सेयर एपको आईओएस भर्सन पनि सार्वजनिक भएको छ।
आईओएस भर्सनमा सार्वजनिक सीडीएस एण्ड क्लियरिङ्ग लिमिटेडद्वारा सञ्चालित अनलाइन मेरो सेयर एप अब आईफोनका प्रयोगकर्ताहरूले पनि चलाउन पाउने भएका छन्।
कम्पनीले हालैमात्र आफ्नो सुविधालाई थप विविधीकरण गर्दै आईओएस भर्सनमा अपडेट गरेको जानकारी दिएको छ। यसअघि यस्तो सुविधा एन्ड्रोइड फोनमा मात्र उपलब्ध रहेको थियो ।
आईओएस प्रयोगकर्ताहरूले आफ्नो मोबाइलको एप स्टोरमा गई मेरो सेयर सर्च गरी सीडीएससी को लोगो अंकित आइकन भएको तथा सेलर इनफर्मेसनमा सीडीएस क्लियरिङ्ग लेखिएको एप डाउनलोड गरी प्रयोग गर्न सकिने कम्पनीले जनाएको छ ।
