८ भदाै, काठमाडाैँ । कम्प्युटरको राम्रो प्रस्तुतिको ग्राफिक्स कार्ड एउटा महत्त्वपूर्ण निर्णायक कारक हो। अझ अहिलेको समयमा जब हामी हाम्रो धेरै समय गेम खेल्ने, भिडियो बनाउने, हेबी ग्राफिक्स भएको कुराहरू उपभोग गर्ने समयमा हाम्रो अनुभवलाई अझै सम्झन लायक बनाउने ग्राफिक्स कार्ड नै हो।
ग्राफिक्स कार्डमा पनि दुई प्रकारका ग्राफिक्स कार्डहरू भेटिन्छन्। समर्पित ग्राफिक्स कार्ड र एकीकृत ग्राफिक्स कार्ड यसका दुई प्रकार हुन्। एकीकृत ग्राफिक्स कार्ड कम्प्युटर मै जोडिएर आएको हुन्छ। समर्पित ग्राफिक्स कार्ड भने छुट्टै खरिद गरेर राख्न मिल्छ।
यसरी यी दुई प्रकारका कार्डले हाम्रो कम्प्युटरको प्रस्तुतिलाई असर गर्दछ। आज हामी यसका फाइदा र बेफाइदाहरू बारे चर्चा गर्ने छौ।
एकीकृत ग्राफिक्स कार्डका फाइदा:
यसले समर्पित ग्राफिक्स कार्डभन्दा कम शक्ति खपत गर्छ।
यसले कम पावर खपत गर्ने हुँदा कम गर्मी उत्पन्न गर्छ।
यसमा आन्तरिक गर्मी व्यवस्थापन र कुलिङ प्रणाली स्थापना गर्न केही विकल्पहरू हुन्छन्।
यो सिपियुसँगै जोडिएर आउने हुँदा यसको खर्च धेरै लाग्दैन। यसले गर्दा ल्यापटपको मूल्यसम्म कम पर्न जान्छ।
बेफाइदा :
एकीकृत ग्राफिक्स प्रोसेसरको एक मुख्य कमी यो हो कि तिनीहरूलाई हटाउन सकिँदैन जसले गर्दा यसलाई अपग्रेड गर्न पनि सकिँदैन। प्रयोगकर्ताहरूले यदि ग्राफिक्स प्रोसेसिङ क्षमताहरू अपग्रेड गर्न चाहन्छन् भने उनीहरूले सम्पूर्ण चिप नै फेर्न आवश्यक छ।
उच्च-रेजोल्युसन डिस्प्ले प्रयोग गरेर बनेका उच्च प्रदर्शनका पिसी गेमिंग, ग्राफिक्सको रेन्डरिङ , ब्लक चेन वा क्रिप्टोकरेन्सी माइनिङ जस्ता कार्यहरू गर्न एकीकृत ग्राफिक्स कार्डले धान्न सक्दिन।
समर्पित ग्राफिक्स कार्डका फाइदा :
सिपियुबाट अलग भएको समर्पित ग्राफिक्स कार्डमा आफ्नै मेमोरीको साथ शक्ति श्रोत हुन्छ। यसले गर्दा यसले एकीकृत जिपियु (GPU) भन्दा राम्रो प्रदर्शन गर्नेछ।
समर्पित ग्राफिक्स कार्ड रिमुभेबल हुने भएको पनि अर्को प्रमुख फाइदा हो। यसले गर्दा नयाँ अपग्रेड गर्न नयाँ मेशिन खरिद गर्न वा सम्पूर्ण प्रणाली फेरबदल गर्न आवश्यक छैन।
ग्राफिक्स कार्ड प्रयोग गरेर प्रयोगकर्ताहरूले कुनै पनि समस्या बिना राम्रो फ्रेम दरको साथ खेलको पूर्ण आनन्द उठाउन सक्दछन्।
यदि समर्पित ग्राफिक्स कार्ड प्रयोग गर्यो भने यसको आफ्नै मेमोरी हुन्छ जसले गर्दा कम्प्युटरको मेमोरी प्रयोगमा हुँदैन।
बेफाइदा :
समर्पित ग्राफिक्स कार्डको एक प्रमुख हानि यो हो कि यसको आफ्नै सिपियु हुन्छ। यसले गर्दा यसलाई अधिक शक्ति चाहिन्छ।
त्यसका साथै यसको उच्च शक्ति खपतको कारण यसले अधिक गर्मी पनि उत्पन्न गर्दछ। त्यसलाई सन्तुलित गर्न छुट्टै कुलिङ सिस्टम चाहिन्छ।
छुट्टै समर्पित ग्राफिक्स कार्ड किन्दा महंगो पर्न जान्छ।
यसरी दुवै प्रकारको ग्राफिक्स कार्डको आफ्नै फाइदा र बेफाइदाहरु छन्। कुन ग्राफिक्स कार्ड कसको लागि ठिक हुन्छ भनि भन्न सकिदैन। यसको लागि जसले किन्न खोजेको हो, उसले आफ्नो आवश्यकता बुझेर सहि ग्राफिक्स कार्ड छनोट गर्नु पर्दछ।
