९ भदाै, काठमाडाैँ । सबैले आफ्नो स्टार्टअप सुरु गर्ने बेला लिएर हिँडेको बिचारले संसार नै परिवर्तन गरिदिन्छ भन्ने सोच्दछन्। ती मध्ये एकदम थोरै मात्र त्यसलाई सही रूपमा बजारमा जमाउन सफल हुन्छन्। आखिर किन त्यही बाटो हिँडेर नि कोही आफ्नो स्टार्टअप सफल बनाउन सक्छन् भने कोही त्यसकै बिच बाटोमा हराउँछन्।
कहिले स्टार्टअप गर्दा बनाएको टिम मिल्दैन भने कहिले चाहिँ आवश्यक जानकारीको अभावले स्टार्टअपमा समस्या आइदिन सक्छ। यो यदि समय मै मिलाउन सकिएन भने बनाएको स्टार्टअप मर्न समय लाग्दैन। कति स्टार्टअप आवश्यकतालाई नै पुरा नगरी बनाउन खोजिएका हुन्छन्।
यसरी स्टार्टअप गर्दा केही कुराहरूलाई विशेष ध्यान दिनु पर्ने हुन्छ।
मार्केटको माग नबुझ्ने
स्टार्टअपहरू असफल हुनुको सबैभन्दा ठुलो कारण उनीहरूले मार्केटलाई बुझ्न नसक्नु हो भन्न सकिन्छ। प्राय स्टार्टअपहरूले यस्तो उत्पादन सिर्जना गर्दछन् जुन बजारले चाहेकै हुँदैन। उत्पादन / बजार फिट बुझ्नु एकदम आवश्यक छ।
कति स्टार्टअपले सुरु गर्दा आँफूले केही समस्या भोग्दछन् र त्यसलाई समाधान गर्न नै एउटा स्टार्टअपको जन्म हुन्छ। यसमा आफ्नो समस्यालाई लिएर अघि बढ्नु नराम्रो होइन तर यो बुझ्नु पनि आवश्यक छ कि यो केवल तपाइको मात्र समस्या त होइन ?
कति समय त स्टार्टअपले अन्य मानिसहरूलाई यो समस्या छैन भनेर ध्यानसम्म दिँदैनन्। उनीहरू आफ्नै स्टार्टअप बनाउन यस्तो व्यस्त हुन्छन् कि त्यहाँ पहिले नै राम्रो उत्पादनहरू छन् भनेर अनुसन्धान गर्न सक्दैनन्।
अर्को कुरा यो पनि हुन्छ कि सायद तपाइले बनाउँदै गरेको समाधानको लागि स्टार्टअप अझै तयार नै छैन। २००० तिर यदि टिन्डर बनाएर लन्च गरिएको भए त्यसको सही रूपमा सफलता हात पर्ने थिएन। त्यस कारण पनि सबै कुराहरूलाई ध्यान दिनु आवश्यक हुन्छ।
सही टोलीको कमी
स्टार्टअपको हरेक कार्यक्रममा सबैले यही भन्छन् कि स्टार्टअप भनेको तपाइको बच्चा जस्तै हो। तपाईँको सह-संस्थापक तपाईँको जीवनसाथी जस्तै हो। यदि तपाइले आफ्नो सह-संस्थापकलाई यसरी देख्न सक्नु हुन्न भने तपाइले आफ्नो सह-संस्थापकसँग राम्रो सम्बन्ध बनाउन सक्नु हुन्न भन्ने बुझ्न सकिन्छ।
तपाईँको स्टार्टअप टोलीले तपाईँको स्टार्टअप बनाउन वा तोड्न सक्छन्। यो कसरी भन्दा यसलाई बनाउने, प्रचार गर्ने, यसको लागि निद्रा र खाना त्याग्ने, यसलाई बचाउन आफू दिनरात घोट्टिने, जस्ता कार्य गर्न हरेक सह-संस्थापक राजी हुनु पर्दछ।
ग्राहकको प्रतिक्रिया नलिने
स्टार्टअप यात्राको लागि प्रयोगकर्ताको प्रतिक्रिया अति महत्त्वपूर्ण छ। तपाइले बनाएको स्टार्टअप प्रयोग गर्ने नै प्रयोगकर्ता हुन्। यदि उनीहरूको आवश्यकता र समस्यालाई समय मै समाधान गरिएन भने प्रयोगकर्ताहरू अर्को विकल्प तिर लाग्न बेर लाग्दैन।
यस कारण पनि प्राय स्टार्टअप गर्नेहरूले पहिले आफ्नो बनाउन खोजेको उत्पादनको पहिले ल्यानडिङ पेज र एमभिपि (MVP) निकाल्दछन्। यसले गर्दा यदि प्रयोगकर्तालाई केही कुरामा असन्तुष्टि छ भने पहिले नै बुझेर त्यसलाई समय मै समाधान गर्न सकिन्छ।
