९ भदाै, एजेन्सी। एप्पलले बुधबार एक इभेन्टको घोषणा गरेको छ। एप्पलले सो दिन गर्ने इभेन्टमा बहुप्रतिक्षित नयाँ मोडल आइफोन १४ लन्च गर्ने अपेक्षा गरिएको छ। यो इभेन्ट एप्पलको हेडक्वाटरको स्टिभ जब्स थिएटरमा हुनेछ।
ट्याग लाइन ‘फार आउट’ भएको इभेन्ट एप्पलको वेबसाइटमा स्ट्रिम गरिने सीएनबीसीले रिपोर्ट गरेको छ।
एप्पल लन्च इभेन्ट महामारीको सुरुदेखि नै भर्चुअल भएको छ। कम्पनीले आफ्नो दृष्टिकोणलाई थप हाइब्रिडमा केन्द्रित गरेको छ। एप्पलले सेप्टेम्बर ७ तारिखको इभेन्टमा सहभागी हुन विभिन्न मिडियाहरूलाई आमन्त्रण गरेको पनि बताइएको छ।
आइफोन १४ र एप्पल वाच सिरिज ८ सम्भवतः एप्पलको सेप्टेम्बर ७ मा हुने इभेन्टको हेडलाइन उत्पादन हुनेछन्। त्यस्तै, म्याकरूमर्सका अनुसार सोही इभेन्टमा आइओएस १६ पनि रिलिज हुन सक्नेछ।
म्याकरूमर्सका अनुसार सेप्टेम्बर ७ को इभेन्टमा आइफोन १४, एप्पल वाच सिरिज ८, एयरपड्स प्रो २, न्यु म्याक एण्ड आइप्याड लन्च हुने प्रबल सम्भावना रहेको छ।
