११ भदाै, एजेन्सी। मेटाको स्वामित्व रहेको सामाजिक सञ्जाल इन्स्टाग्रामले त्यसका पोस्टमा ट्याग गरिएका प्रयोगकर्ताहरूको सटिक लोकेशन (प्रिसाइज लोकेशन) गलत हुने बताएको छ।
केही दिनअघि इन्स्टाग्रामले प्रयोगकर्ताहरूको लोकेशन सटीक रूपमा बताउने भिडियोहरू भाइरल भएका थिए। तर, ती भिडियोहरूको जवाफ फर्काउँदै इन्स्टाले लोकेशन सटिक नहुने भन्दै भाइरल भिडियो गलत भएको दाबी गरेको हो।
भाइरल भएका केही भिडियोहरूले इन्स्टाग्राम वा आईओएस अपडेटको परिणामस्वरूप सटिक लोकेशन सेयर भएको दाबी समेत गरेका थिए।
तर इन्स्टाग्रामले भने यो फिचरले अन्य प्रयोगकर्ताहरूसँग लोकेशन सेयर नगर्ने दाबी गरेको छ।
के हो प्रिसाइज लोकेशन ?
सन् २०२० मा एप्पलको वार्षिक अपरेटिङ सिस्टम अपडेटले आईओएस १४ मार्फत यो पिचर ल्याएको थियो। त्यस्तै, २०२१ मा गुगलले एन्ड्रोइड १२को अपडेटमा पनि यो फिचर ल्याएको थियो।
यो फिचरले यसले प्रयोगकर्ताहरूलाई केही एपहरूलाई थप सटीक लोकेशन सेयर गर्ने विकल्प दिने गरेको छ।
