१२ भदाै, काठमाडाैँ । नेपाल टेलिकमले तीज लक्षित नयाँ अफर सार्वजनिक गरेको छ। टेलिकमले हिन्दु धर्मावलम्बी महिलाहरूको ठूलो पर्व हरितालिका तीजको अवसरमा नयाँ अफर सार्वजनिक गरेको हो।
यस अफर अन्तर्गत प्रयोगकर्ताहरूले सस्तो मूल्यमा नै डेटा र डेटा तथा भ्वाइस प्याक लिन सक्नेछन्।
टेलिकमले ९८ रूपैयाँमा तीन दिनसम्म मान्य हुनेगरी ६ जिबी डेटा दिने भएको छ। त्यस्तै, अर्को योजना अन्तर्गत २९४ रूपैयाँमा प्रयोगकर्ताहरूले १० दिन मान्य हुनेगरी २० जिबी डेटा पाउनेछन्।
त्यसैगरी, डेटा तथा भ्वाइस प्याक अन्तर्गत प्रयोगकर्ताहरूले ४९ रूपैयाँमा एक दिन मान्य हुनेगरी १ एमबिपिएसको अनलिमिटेड डेटा र टेलिकम भित्रकै नेटवर्कमा प्रयोग गर्न मिल्ने अनलिमिटेड भ्वाइस प्याक पाउनेछन्।
यो अफर भदौ १२ गते देखि भदौ १७ गते सम्म लागु रहने जानकारी टेलिकमले दिएको छ। टेलिकमका ग्राहकहरूले *१४१५# डायल गरेर वा NT App प्रयोग गरेर यो अफर सुचारू गर्न सक्नेछन्।
