१२ भदौ, काठमाडौँ । स्टान्डअप कमेडी अपूर्व क्षितिज सिंहलाई प्रहरीले पक्राउ गरेको छ। उनले पछिल्लो पटक गरेको कमेडी विवादित भएपछि उनी पक्राउ परेका हुन्।
नेवार समुदायको संस्कृतिमाथि व्यंग्य गरेको भन्दै उनीमाथि उजुरी परेको थियो। आइतबार जिल्ला प्रहरी परिसर काठमाडौंले उनलाई नियन्त्रणमा लिएर अनुसन्धान सुरू गरेको बताएको छ।
केही समयअघि कमेडी क्याफे नामक युट्युब च्यानलमार्फत अपलोड गरिएको भिडियोमा उनले नेवार संस्कृति र लवजमाथि कमेडी गरेका थिए।
केही अभियन्ताहरूले नेवार समुदायको आस्थामाथि उनको कमेडिले चोट पुर्याएको भन्दै परिसर क्षितिजमाथि कारबाहीको माग गर्दै उजुरी दिएका थिए।
