१३ भदाै, काठमाडाैँ । बजार अनुसन्धान कुनै पनि उत्पादन डिजाइनको प्रारम्भिक समयमा एकदमै महत्त्वपूर्ण प्रक्रिया हो। वास्तविक प्रयोगकर्ताहरूको आवश्यकता र व्यवहार नबुझी कुनै पनि स्टार्टअप सही मार्गमा लाग्न सक्दैन।
बजार वा प्रयोगकर्ता अनुसन्धान खर्चिलो र समय लाग्ने हुन सक्छ। तर यसले दिने नतिजा भने यदि सही तरिकाले निकाल्न सकियो भने एकदमै प्रभावकारी हुन सक्छ। पैसा र समय ती वस्तुहरू हुन् जुन सुरुका दिनहरूमा स्टार्टअपको लागि ठुलो गहना जस्तै बन्न सक्छन्।
त्यसैले प्रयोगकर्ता अनुसन्धानमा लगानी गर्दा तपाईँले यो कुरा सुनिश्चित गर्नु पर्दछ कि तपाईँले लगाएको मेहनत, समय र खर्च बराबरको मूल्य प्राप्त गर्नुहुन्छ। त्यसैमाथि अर्को ख्याल गर्ने कुरा यो हो कि तपाइले प्रयोगकर्ता अनुसन्धान सही ढङ्गले गर्दै हुनुहुन्छ कि छैन?
कुनै पनि बजार अनुसन्धान गर्दा केवल पैसा र समय काफी हुँदैन। तपाइले गर्ने अनुसन्धान कसरी गर्नु हुन्छ र कत्तिको प्रभावकारी रूपमा गर्नु हुन्छ भन्नेमा पनि उत्तिकै भर पर्छ। के गर्ने भन्ने साथसाथै के नगर्ने भन्ने कुराहरू पनि ध्यान राख्नु पर्ने हुन्छ।
प्रयोगकर्ता अनुसन्धानमा के न गर्ने त?
जब तपाईँ आफ्नो प्रयोगकर्ताहरू सँग सोधपुछ गर्नु हुन्छ, सकेसम्म आफुले बनाउन खोजेको उत्पादन र सेवा बारे सुरुमै छलफल गर्नु ठिक हुँदैन।
प्रयोगकर्ताले तपाइले बनाउन खोजेको वा सेवा दिन खोजेको क्षेत्रमा कस्तो समस्या भोगेको छन्? ती समस्याहरूलाई कसरी समाधान गरेका छन्? यस्ता प्रश्न सोध्दा तपाइले सिधै समस्यालाई समाधान गर्ने बाटो पाउनुहुन्छ भने यदि तपाइले आफ्नै बनाएको समस्यालाई प्रस्तुत गरेर प्रयोगकर्ताको विचार सोध्नु भयो भने उनीहरूलाई त्यस बारे सही उत्तर थाहा नहुन पनि सक्छ।
त्यसका साथै, यदि तपाइले “यो एपमा यस्तो फिचर कस्तो होला?” भन्ने प्रश्न गर्दा पनि साधारण मानिसहरूलाई सही उत्तर थाहा हुँदैन। उनीहरूले त्यस कारण सही छ सुन्दा राम्रो छ त भन्लान्, तर ले त्यसले साची नै कसैको समस्या समाधान गर्छ त भन्ने कुरा हामीलाई थाहा हुँदैन।
अर्को सोध्न नहुने प्रश्न “तपाईँलाई कस्तो फिचर वा विशेषता चाहिएको त?” यसरी सोध्न लाग्नु भयो भने तपाइको प्रयोगकर्ताहरूले अनावश्यक आवश्यकताहरू भनिदिन लाग्छन्। चाहिँदै नचाहिने वा एकदम सानो बजारलाई प्रयोग हुने जस्ता विशेषताहरू उनीहरूले भन्न लाग्दछन् जुन हाम्रो लागि प्रभावकारी हुँदैन।
