१३ भदाै, काठमाडाैँ । यदि तपाइँ ब्लगिङ गर्नु हुन्छ भने तपाइले पक्कै पनि वर्डप्रेसबारे त सुन्नु भएकै होला। वर्डप्रेस एउटा यस्तो माध्यम हो जहाँबाट तपाइले आफ्नो लेख, रचना, ब्यापार र व्यवसाय मिलाउन चलाउन सक्नु हुन्छ।

वर्डप्रेस एउटा खुला स्रोत सामग्री व्यवस्थापन प्रणाली हो जसले तपाईंलाई यसमा वेबसाइटहरू निर्माण गर्न अनुमति दिन्छ। अहिलेको समयमा यो विश्वमा सबैभन्दा बढी प्रयोग हुने CMS हो। सन् २००३ मा सुरु भएको वर्डप्रेस फेसबुक र ट्वीटर दुवैभन्दा पनि पुरानो छ।

वर्डप्रेस CMS बजार हिस्सामा स्पष्ट विजेता हो। यो हुँदाहुँदै प्रतिस्पर्धीले बजारको ५ प्रतिशत पनि लिन सक्दैन।

यति पुरानो वर्डप्रेस कसरी चाहिँ अहिलेसम्म पनि बाचिरहेको छ? अनि अझै पनि किन वर्डप्रेस यति चर्चित छ?

वर्डप्रेस यति लोकप्रिय कसरी ?

वर्डप्रेस चर्चित हुनुमा केवल एक दुइ मात्र कुराहरु छैनन्। यति लामो समयसम्म बजार ओगटिरहेको हुँदा अब भने वर्डप्रेसले बजार बुझिसकेको छ । यस कारण पनि यसले अरुलाई झट्ट कब्जा गर्न मौका दिएको छैन ।

वर्डप्रेसले तपाइको अनुभवलाई कसरी प्रभावकारी बनाउनेदेखि लिएर तपाईका समस्या सुन्नेसम्म सबैमा उत्तिकै संलग्न छ। यसले प्रयोगकर्ताको प्रतिक्रियालाई महत्व दिँदै आवश्यक फेरबदल गरेर अहिले सहि रुपमा बनेको छ।

यहाँ हामि वर्डप्रेसका केहि मुख्य विशेषताहरु बारे चर्चा गर्ने छौ।

सेटअप गर्न सजिलो

वर्डप्रेस भर्खर सुरुवात गर्ने व्यक्तिदेखि लिएर अनुभवी कोडरहरू सबैमा उत्तिकै प्रचलित छ। जुन कामको लागि भएता पनि वर्डप्रेस उत्तिकै काम लाग्ने छ। त्यसैमाथि यसको सेटप गर्न पनि उत्तिकै सजिलो छ।

यसका लागि कुनै कोडिङ आवश्यक हुँदैन। केवल एउटा साधारण एक-क्लिक गर्न सक्यो भने तपाइको कम्प्युटरमा त्यो फाइल डाउनलोड भएर बस्छ।

सरल र प्रयोग गर्न सजिलो

वर्डप्रेसको आफ्नो एकदमै ठुलो सञ्जाल छ। यसले गर्दा एक जनालाई आएको समस्या अर्कोले समाधान गरेर भन्न सक्छ। त्यसका साथै यदि तपाइले इन्टरनेटमा खोज्न जानुभयो भने त्यहाँ पनि हजारौ वर्डप्रेसका भिडियोहरु देख्नु हुनेछ। धेरैले चलाउने भएका कारण यसका सहयोगी सामग्री इन्टरनेटमा सजिलै भेट्न सकिन्छ।

सस्तो र प्रभावकारी

तपाईं आफ्नो लागि निःशुल्क वर्डप्रेस प्राप्त गर्न सक्नुहुन्छ। वर्डप्रेसमा बनाइएका कुराहरुलाई त्यस मै फेरबदल गर्न, अझै राम्रो बनाउन र अन्य यस्तै विशेषता दिन हामीले निःशुल्क नै वर्डप्रेसको वेबसाइट प्रयोग गर्न सक्छौँ।

त्यसैगरी यदि तपाईलाई आफ्नो पोस्टहरु अझै माथि ल्याउनु छ भने तपाइले यसको थोरै मात्र पैसा तिरेर धेरै पैसा बचाउनु समेत सक्नु हुनेछ।

तपाइले आफ्नो वेबसाइट अरुलाई देखाउने गरि राख्न चाहनु भयो भने चाँहि होस्टिङ गराउनेहरु खोजेर सबै भन्दा ठिक लाग्नेद्वारा आफ्नो सबै जानकारीहरु होस्ट गर्न सक्नु हुनेछ।

यो अन्य विकल्पको तुलनामा निकै सस्तो छ ।