© 2021-2024
१६ भदाै, काठमाडाैँ । वेबसाइट बनाउन विभिन्न तरिकाहरू अपनाउन सकिन्छ। ती सबै मध्ये अहिले सबैभन्दा चर्चित, सजिलो र सस्तो तरिका भनेकै वर्ड प्रेस हो। वर्डप्रेस वेबसाइटहरू विभिन्न तरिकामा डिजाइन गर्न सकिन्छ।
यदि तपाईँलाई कोडिङको ज्ञान छ भने तपाइले सुरुबाटै आफ्नै वेबसाइट सिर्जना गर्न सक्नु हुन्छ। यदि तपाईँलाई कोडको केही जानकारी छैन वा भर्खर भर्खर सिक्दै हुनुहुन्छ भने कोडिङ गर्नु धेरै समय लाग्ने र झन्झटिलो प्रक्रिया हुन सक्छ।
तर, अर्को उपाय यदि तपाईँसँग प्राविधिक ज्ञान छैन भने पनि तपाइले सही तरिका सिकेर कुनै कोड बिना नै एउटा सुन्दर वेबसाइट बनाउन सक्नु हुनेछ।
एलिमेन्टर जस्ता वर्डप्रेस पेज बिल्डरहरूले वर्डप्रेसलाई अझै राम्रो र प्रभावकारी बनाउँदै आइरहेका छन्। यस तरिकामा समय र पैसा बचत गर्न चाहनेहरूका लागि वर्डप्रेसमा एलिमेन्टरद्वारा बनाइएका वेबसाइटहरू शक्तिशाली समाधान हुन्छन्।
तपाईँ वेबसाइट निर्माणमा नयाँ हुनुहोस् वा एक विशेषज्ञ वेबसाइट डिजाइनर नै किन नहुनुहोस्, तपाईँले एलिमेन्टर जस्ता वर्डप्रेस पेज निर्माताहरूको साथ छिटो वेबसाइटहरू सिर्जना गर्न सक्नुहुनेछ।
अधिकांश पेज बिल्डरहरू धेरै प्रयोगकर्ता-अनुकूल इन्टरफेसको साथ आउँदछ। यसले गर्दा तपाईँलाई दिइने विकेटहरूको अप्सनले तपाइले धेरै कामहरू एकदम सहज रूपमा थोरै समय मै सक्नु हुनेछ।
यसको मदतले वेब पेजहरू एकदम छिटो सिर्जना गर्न सकिन्छ।
कोडिङ बिना पनि राम्रो राम्रो वेबसाइटहरू डिजाइन गर्न एलिमेन्टर जस्तो पेज बिल्डरहरुले प्रयोग गर्नु आवश्यक छ।
पेज बिल्डरहरू लोकप्रिय हुनुको मुख्य कारण नै यसमा बिना कुनै कोडिङको झन्झट सजिलो राम्रो वेबसाइट बनाउन सकिन्छ। पेज बिल्डरहरूको मद्दतले जसले पनि कोडिङ कक्षाहरू नलिएरै वा पेसा कै रूपमा वेबसाइट डिजाइनर नबनी नै आफ्नै वेबसाइट सिर्जना गर्न सक्दछन्।
यहाँ पृष्ठहरू निर्माण गर्न छिटो र सजिलो हुनुको एक कारणमा यसले दिने पूर्वनिर्मित टेम्पलेटहरू पनि पर्दछन्। यो सङ्ग्रहको साथ आउँदछन् जुन तपाईँ तुरुन्तै तपाईँको वेबसाइट सिर्जना गर्न प्रयोग गर्न सक्नु हुनेछ।
एलिमेन्टरमा आफ्नै एलिमेन्टर टेम्पलेट लाइब्रेरी हुन्छ। यसको साथमा तपाईँले पूर्वनिर्मित पेज टेम्पलेटहरूको प्रयोग गरेर सजिलैसँग नयाँ वेबसाइट छिट्टै बनाउन सक्नु हुनेछ।
यसको लागि तपाइले केवल आवश्यक टेम्पलेट रोजेर त्यसलाई पेजमा वा पृष्ठमा राख्नु पर्दछ। त्यसपछि तपाईँले त्यस माथि आफ्नो सामग्री थप्न सक्नुहुन्छ र तपाईँको वेबसाइट देखाउनको लागि तयार हुनेछ।