१७ भदाै, काठमाडाैँ । कक्षा १२ को नतिजा सार्वजनिक भएको छ। राष्ट्रिय परीक्षा बोर्डले शुक्रबार अपराह्न कक्षा १२ को नतिजा सार्वजनिक गरेको हो।
परीक्षा बोर्डले जनाए अनुसार नियमिततर्फ तीन लाख ६३ हजार आठ जना, ग्रेड वृद्धितर्फ तीन हजार ४५ र आंशिकतर्फ तीन हजार १३२ जना परीक्षार्थी उत्तीर्ण भएका छन्।
परीक्षामा ४ लाख १० हजार ५० विद्यार्थी परीक्षामा सहभागी थिए । देशभरका १ हजार २ सय ९२ परीक्षा केन्द्रमा परीक्षा सञ्चालन भएको थियो ।
सहभागीमध्ये ४३ जना परीक्षार्थीको परीक्षा रद्द भएको बोर्डले जानकारी दिएको छ। त्यसमा नियमिततर्फका ३८ जना परीक्षार्थी परेका छन्।
कक्षा १२ को नतिजा हेर्ने यस्ता छन् तरिका
https://neb.ntc.net.np वेभसाइट,
१६०१ डायल गरि प्राप्त निर्देशन अनुसार सिम्बोल नम्बर थिच्ने,
neb<Space> Symbol no. टाइप गरी १६०० मा पठाउने,
