१९ भदाै, दाङ। मोटरसाइकलमा बसेर टिकटक बनाइरहेका युवकको भीरबाट लडेर मृत्यु भएको छ। दाङमा शनिबार राती करीब ९ बजेतिर टिकटक बनाउने क्रममा मोटरसाइकबाटै भीरमा झरेका युवकको मृत्यु भएको हो।
सल्यानबाट तुलसीपर तर्फ आउने क्रममा तुलसीपुर उपमहानगरपालिका–५ सल्यान रोडका ३४ वर्षीय नवीन केसीको मृत्यु भएको प्रहरीले जानकारी दिएको छ।
झण्डै तीन सय मिटर तल खसेका केसीलाई रातिनै उद्धार गरेर राप्ती प्रादेशिक अस्पताल लगिएता पनि उनको ज्यान जोगाउन भने सकिएन।
उनी सवार रा ५ ६ ७२३८ नम्बरको मोटरसाइकल र चालकलाई नियन्त्रणमा लिएर अनुसन्धान सुरू गरिएको प्रहरीले जानकारी दिएको छ।
